Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
21. mars. 2014 06:01

Spölur hagnast þrátt fyrir verðbólgu og rýrnun veggjalds

Hagnaður af Speli, eiganda Hvalfjarðarganga, var á síðasta ári 355 milljónir króna að teknu tilliti til fjármagnsliða og skatta. Tekjur Spalar námu 1.091 milljónum króna á síðasta ári og voru rekstrargjöld 448 milljónir króna. Hluti lána Spalar er tengdur vísitölu og hefur launa- og rekstrarkostnaður félagsins aukist. Stjórn Spalar ákvað engu að síður að hreyfa ekki við gjaldskránni í von um að verðbólga myndi hjaðna og umferð um göngin aukast. Hvoru tveggja gekk eftir og greiðsluáætlanir félagsins hafa því staðist. Einnig kom fram á aðalfundinum sl. þriðjudag að uppfyllt hafa verið í Hvalfjarðargöngum öll skilyrði sem kveðið er á um í ESB-tilskipun um öryggi í jarðgöngum frá 2004 og tilheyrandi reglugerð frá 2007. Þetta staðfesti Vegagerðin skriflega núna í febrúar eftir að hafa tekið út öryggismál ganganna. Fjárfestingarþörfin er því lítil að þessu leyti næstu árin en nú er hins vegar komið að því að endurnýja slitlag á akbrautum að hluta og gert ráð fyrir að hefja það verk haustið 2014.

 

 

 

Þeir öryggisþættir sem bættir voru er að lýsing var aukin yfir akbrautum við gangamunna, komið fyrir nýjum neyðarljósum í lofti og „flóttaljósum“ á veggjum, settir upp nýir skápar með neyðarsímum og slökkvitækjum og ljósaskilti til að vísa á neyðarstöðvar, útskot og fjarlægð að gangamunna. Brunaþolnir rafstrengir voru lagðir, komið fyrir nýju Tetra-fjarskiptakerfi og umfangsmiklu sívöktunarkerfi nema og myndavéla. Þá hefur verið unnið að því að steypa vegaxlir meðfram akbrautum til að draga úr rykmengun og auðvelda þrif. Nú standa yfir framkvæmdir í gjaldskýlinu við endurbætur tæknibúnaðar þar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is