Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. mars. 2014 10:37

Grundarfjarðarbær á grænu ljósi hjá eftirlitsnefndinni

Eftirlitsnefnd með fjármálum sveitarfélaga (EFS) hefur tilkynnt bréflega til Grundarfjarðarbæjar að nefndin sjái ekki ástæðu til eftirfylgni með fjármálum sveitarfélagsins. Eða eins og stendur í bréfinu; „að teknu tilliti til þeirra upplýsinga sem fyrir liggja um fjárhag sveitarfélagsins og fjárhagsáætlanir, er það mat EFS að ekki sé ástæða til frekari aðkomu EFS í kjölfar samnings Grundarfjarðarbæjar og nefndarinnar.“ Vorið 2012 var gengið frá samningi milli Grundarfjarðarbæjar og EFS um fjárhagslega úttekt á rekstri Grundarfjarðarbæjar, tillögum til úrbóta, eftirfylgini og eftirlit.

Björn Steinar Pálmason bæjarstjóri í Grundarfirði segir að undanfarin ár hafi verið náið og gott samstarf milli Grundarfjarðarbæjar og eftirlistnefndar með fjármálum sveitarfélaga vegna endurskipulagningar á rekstri sveitarfélagsins. Nú hafi þeim árangri verið náð að EFS telur ekki ástæðu til sérstakrar eftirfylgni með fjármálum og rekstri Grundarfjarðarbæjar.

„Þetta er mikilvæg viðurkenning á að vel hafi tekist til og jafnvægi sé komið á í rekstri bæjarfélagsins. Enn er skuldahlutfall of hátt en það fer lækkandi og gert er ráð fyrir að ná því niður fyrir lögbundið hámark árið 2019 og vonandi fyrr. Miklu hefur skipt að bæjarstjórn hefur verið einhuga þegar að fjármálum bæjarins hafa verið til umræðu og hafa allar fjárhagsáætlanir undanfarin ár verið samþykktar samhljóða,“ segir Björn Steinar Pálmason. Ársreikningur Grundarfjarðarbæjar fyrir árið 2013 er í vinnslu og mun liggja fyrir í apríl.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is