Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
03. apríl. 2014 10:27

Snæfellskonur með aðra höndina á Íslandsbikarnum

Snæfellskonur er komnar með vænlega stöðu í baráttunni um Íslandsmeistaratitilinn eftir sigur á Haukum í öðrum leik viðureignarinnar á Ásvöllum í gærkveldi. Hildur Sigurðardóttir var hetja Snæfells í leiknum í gær. Þegar Haukar jöfnuðu 19 sekúndum fyrir leikslok, keyrði hún inn í teiginn og skoraði þegar fjórar sekúndur voru eftir. Hildur skoraði líka úr vítaskotinu sem hún fékk þegar brotið var á henni í skotinu, þannig að Snæfell vann 75:72. Staðan er 2:0 í einvíginu og Snæfellskonur geta tryggt sér Íslandsmeistaratitilinn þegar liðin mætast í þriðja leiknum sem fram fer í Hólminum á sunnudaginn.

 

 

Snæfellskonur náðu snemma frumkvæðinu í leiknum. Þær voru yfir eftir fyrsta leikhluta 19:13 og náðu snemma í öðrum leikhluta tíu stiga forskoti. Staðan var 37:26 fyrir Snæfell í hálfleik. Varnarleikurinn var aðall liðsins eins og í fyrsta leiknum gegn Haukum og sóknarleikurinn líka ágætur. Snæfelli tókst að varðveita þennan mun fram í lokafjórðunginn, en þá var það sem Haukakonur settu á sig rögg, mest fyrir tilstilli Lele Hardy sem var í góðri gæslu Guðrúnar Gróu í leiknum. Haukunum tókst að jafna eins og fyrr segir en Hildur Sigurðardóttir og félagar kláruðu leikinn og lönduðu sigrinum á ögurstundu eins og áður sagði.

 

Snæfell lék án meiddu leikmannanna Chynnu Brown og Hugrúnar Evu Valdimarsdóttur en það virtist ekki koma mikið að sök, stúlkurnar úr Hólminum þjappa sér svo saman í baráttunni. Hildur Sigurðardóttir skoraði 30 stig fyrir Snæfell, Hildur Björg Kjartansdóttir 16, tók 10 fráköst og átti 5 stoðsendingar, Helga Hjördís Björgvinsdóttir 15 stig og 7 fráköst, Guðrún Gróa Þorsteinsdóttir 13 stig og Alda Leif Jónsdóttir 1 stig og 6 fráköst. Hjá Haukum skoraði Lele Hardy 23 stig og tók 12 fráköst.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is