Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. apríl. 2014 11:01

Ingibjörg Pálmadóttir snýr sér að nýju að stjórnmálum

Framboðslisti Frjálsra með Framsókn á Akranesi var kynntur á opnum fundi í gær. Fyrir síðustu bæjarstjórnarkosningar var boðinn fram listi Framsóknarflokks og óháðra og hefur nafni framboðsins nú verið breytt. „Frjálsir“ stendur fyrir þá sem ekki vilja taka þátt í flokksstarfi Framsóknarflokksins. Við síðustu kosningar fékk listi Framsóknarflokks og óháðra tvo menn í bæjarstjórn, þá Guðmund Pál Jónsson og Reyni Georgsson. Reynir hætti í bæjarstjórn á kjörtímabilinu og tók Dagný Jónsdóttir sæti hans. Þau tvö eru ekki í efstu sætum listans að þessu sinni, Guðmundur Páll reyndar í því sjötta. Lista Frjálsra með Framsókn leiðir Ingibjörg Pálmadóttir húsfreyja og hjúkrunarfræðingur. Í öðru sæti er Jóhannes Karl Guðjónsson knattspyrnumaður, Sigrún Inga Guðnadóttir lögfræðingur er þriðja, Elínbergur Sveinsson kennari í fjórða og í fimmta sæti er Karitas Jónsdóttir umhverfis- og byggingaverkfræðingur. Guðmundur Páll Jónsson forstöðumaður er í sjötta sæti og í sjöunda sæti er Anna Þóra Þorgilsdóttir hjúkrunarfræðingur.

 

 

 

Orðin ung í annað sinn

En hvað kemur til að Ingibjörg, hjúkrunarfræðingur og fyrrum bæjarfulltrúi, alþingismaður og ráðherra gefi kost á sér til setu í bæjarstjórn að nýju?

 

„Þetta er listi gamalla en fyrst og fremst ungra frambjóðenda,“ segir hún. „Unga fólkið telur að reynsla sem ég hef aflað mér í gegnum áratugina geti komið að góðu gagni fyrir bæjarfélagið. Ég keypti þá hugmynd og ákvað því að vinna með unga fólkinu. Bæði þau og ég teljum að reynsla mín úr bæjarstjórn, af Alþingi og úr starfi ráðherra muni nýtast. Ég hef brennandi áhuga fyrir þessu bæjarfélagi og alveg sérstakan áhuga fyrir þessu unga fólki sem komið er til liðs við okkur til að efla bæinn okkar. Það er langt síðan ég hef kynnst svo stórum og skemmtilegum hópi ungs fólks sem er tilbúið til að koma að málefnum síns bæjarfélags á jákvæðan og uppbyggjandi hátt. Þannig að ég er bara orðin ung í annað sinn,“ segir Ingibjörg Pálmadóttir.

 

 

Listinn í heild er þannig:

1. Ingibjörg Pálmadóttir, hjúkrunarfræðingur.

2. Jóhannes Karl Guðjónsson, knattspyrnumaður.

3. Sigrún Inga Guðnadóttir, lögfræðingur.

4. Elinbergur Sveinsson, kennari.

5. Karítas Jónsdóttir, B.S.C. í umhverfis- og byggingaverkfræði.

6. Guðmundur Páll Jónsson, forstöðumaður.

7. Anna Þóra Þorgilsdóttir, hjúkrunarfræðingur.

8. Ole Jakob Wolden, húsasmiður.

9. Hlini Baldursson, sölumaður.

10. Sólveig Rún Samúelsdóttir, stúdent og verkakona.

11. Valdimar Ingi Brynjarsson, stúdent og verkamaður.

12. Hilmar Sigvaldason, verkamaður.

13. Drífa Gústafsdóttir, skipulagsfræðingur.

14. Ingi Björn Róbertsson, tónlistarmaður.

15. Maron Kærnested Baldursson, viðskiptafræðingur.

16. Gunnar Hafsteinn Ólafsson, matreiðslumaður.

17. Björg Elva Jónasdóttir, hjúkrunarfræðingur.

18. Guðmundur Hallgrímsson, blikksmiður.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is