Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
10. apríl. 2014 04:07

Ýmsa áfellisdóma að finna um rekstur sparisjóðanna

Skýrsla rannsóknarnefndar Alþingis um rannsókn á aðdraganda og orsökum erfiðleika og falls sparisjóðanna var kynnt í dag. Rannsóknarnefndin var skipuð í ágúst 2011 á grundvelli þingsályktunar. Á vef Alþingis er vefútgáfu skýrslunnar sem jafnframt er ætlað að vera aðalútgáfa hennar. Þar eru birtar niðurstöður sjálfstæðrar, óháðrar rannsóknar nefndarinnar, þar á meðal um starfs- og lagaumhverfi sparisjóðanna, útlán, fjárfestingar, stofnfjáraukningar, arðgreiðslur og fjárhagslega endurskipulagningu þeirra eftir því sem þingsályktunin mælti fyrir um. Óhætt er að segja að við lauslega yfirferð skýrslunnar að víða hafi verið losarabragur á rekstri sparisjóða. Losarabragur sem birtist m.a. í óljósum reglum um útlán og áhættustýringu, heimildir starfsmanna til lánveitinga, lítið eftirlit með fjárhag skuldunauta og útlán sjóðanna langt út fyrir starfssvæði þeirra, svo eitthvað sé nefnt. Við lauslega yfirferð virðast sparisjóðirnir fyrir margt löngu hafa verið búnir að missa sjónar á upprunalegu hlutverki sínu.

Ófullkomið regluverk

Í skýrslunni er fjallað almennt um sparisjóði í landinu og síðan um einstaka sjóði. Þar á meðal er fjallað um Sparisjóð Mýrasýslu sem lagður var inn í Kaupþing árið 2008 eftir að verða tæknilega gjaldþrota. Mjög margt virðist hafa verið athugunarvert við rekstur Sparisjóðs Mýrasýslu. Um útlán SPM segir meðal annars í skýrslunni: „Regluverk um útlán Sparisjóðs Mýrasýslu var ófullkomið og samþykktarferli við veitingu útlána ekki eins og tíðkaðist annars staðar; útlánaheimildir sparisjóðsstjóra og annarra starfsmanna voru miklar, en einstakir starfsmenn gátu skuldbundið sparisjóðinn fyrir mjög háar fjárhæðir. Fremur sjaldan var fjallað um útlán í stjórnarfundargerðum, og ekki var tryggt að öll útlán yfir 10% af eiginfjárgrunni sparisjóðsins færu fyrir stjórn. Til að ráða bót á þessu voru settar nýjar lánareglur, en við þær var stuðst í mjög stuttan tíma þar sem sparisjóðurinn sameinaðist Nýja Kaupþingi banka hf. nokkrum mánuðum eftir að reglurnar voru settar. Dæmi voru um að nýjum lánareglum hefði ekki verið fylgt.“

 

Þá segir í skýrslunni að misbrestur hafi verið á skjalagerð og formlegri tryggingatöku. „Til að mynda reyndist erfitt að útvega rannsóknarnefndinni gögn sem sýndu fram á að mat á greiðslugetu lántakenda hefði farið fram. Þá vantaði upp á að fjárhagur lögaðila sem óskuðu eftir lánum sparisjóðsins væri kannaður, til að mynda vantaði oft ársreikninga þeirra, og því var ógerlegt fyrir sparisjóðinn að fá raunsanna mynd af fjárhagsstöðu lántaka.“ Í rannsóknaskýrslunni er farið ítarlega yfir mál einstakra skuldunauta sjóðsins, fyrirtæki og tengda aðila.

 

Úttektina um Sparisjóð Mýrasýslu má finna í 5. bindi skýrslunnar á bls. 147-219. Gríðarleg heimildavinna liggur að baki sem lýsir sér best í að tilvitnanir og heimildir í kaflanum um SPM eru 267 talsins. Vegna magns upplýsinga mun Skessuhornsvefurinn ekki fara nánar yfir einstaka þætti skýrslu rannsóknarnefndar um fall sparisjóðanna að sinni. Í Skessuhorni í næstu viku verður sagt nánar frá málefnum SPM.

Skýrslan sjálf er þúsundir blaðsíðna. Þeim sem vilja kynna sér hana nánar er því bent á að hún er aðgengileg á vef Alþingis. Kaflinn um SPM er eins og áður segir í 5. bindi, 20. kafla, sjá:

 

http://www.rna.is/sparisjodir/skyrsla-nefndarinnar/5-bindi/20-kafli/

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is