Forsíða
Auglýsing
Rss straumur af fréttum frá Skessuhorni
Miðdegi. Þriðji Óðinsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
15. apríl. 2014 09:01

Áfellisdómarnir fjölmargir um rekstur SPM í rannsóknarskýrslunni

Skýrsla rannsóknarnefndar Alþingis um rannsókn á aðdraganda og orsökum erfiðleika og falls sparisjóðanna var kynnt sl. fimmtudag. Rannsóknarnefndin var skipuð í ágúst 2011 á grundvelli þingsályktunar. Óhætt er að segja að við lestur skýrslunnar að víða komi fram losarabragur á rekstri sparisjóða. Losarabragur sem birtist m.a. í óljósum reglum um útlán og áhættustýringu, heimildir starfsmanna til lánveitinga, slælegt eftirlit með fjárhag skuldunauta og útlán að stærri hluta utan við starfssvæði sjóðanna, svo eitthvað sé nefnt. Í skýrslunni er fjallað almennt um sparisjóði í landinu og síðan um einstaka sjóði. Þar á meðal er fjallað um Sparisjóð Mýrasýslu sem lagður var inn í Kaupþing árið 2008 eftir að hafa orðið tæknilega gjaldþrota. Sá hluti skýrslunnar sem fjallar um Sparisjóð Mýrasýslu er 70 blaðsíður af samtals 1.900 síðna rannsóknarskýrslu. Kaflinn um SPM er númer 20 í 5. bindi skýrslunnar. Í Skesssuhorni sem kemur út í dag er að finna stutta samantekt úr kaflanum þar sem fjallað er um Sprarisjóð Mýrasýslu. Þeir sem vilja kynna sér efni kaflans nánar er bent á að hana er að finna inni á vef Alþingis.

 

 

Áhættustýringu mjög ábótavant

Mjög margt virðist hafa verið athugunarvert við rekstur og stjórnun Sparisjóðs Mýrasýslu árin fyrir bankahrun. Um útlán SPM segir meðal annars í skýrslunni: „Regluverk um útlán Sparisjóðs Mýrasýslu var ófullkomið og samþykktarferli við veitingu útlána ekki eins og tíðkaðist annars staðar; útlánaheimildir sparisjóðsstjóra og annarra starfsmanna voru miklar, en einstakir starfsmenn gátu skuldbundið sparisjóðinn fyrir mjög háar fjárhæðir. Fremur sjaldan var fjallað um útlán í stjórnarfundargerðum og ekki var tryggt að öll útlán yfir 10% af eiginfjárgrunni sparisjóðsins færu fyrir stjórn. Til að ráða bót á þessu voru settar nýjar lánareglur, en við þær var stuðst í mjög stuttan tíma þar sem sparisjóðurinn sameinaðist Nýja Kaupþingi banka hf. nokkrum mánuðum eftir að reglurnar voru settar. Dæmi voru um að nýjum lánareglum hefði ekki verið fylgt.“  Þá segir í skýrslunni að misbrestur hafi verið á skjalagerð og formlegri tryggingatöku. „Til að mynda reyndist erfitt að útvega rannsóknarnefndinni gögn sem sýndu fram á að mat á greiðslugetu lántakenda hefði farið fram. Þá vantaði upp á að fjárhagur lögaðila sem óskuðu eftir lánum sparisjóðsins væri kannaður, til að mynda vantaði oft ársreikninga þeirra, og því var ógerlegt fyrir sparisjóðinn að fá raunsanna mynd af fjárhagsstöðu lántaka.“ Í rannsóknaskýrslunni er farið ítarlega yfir mál einstakra skuldunauta sjóðsins, fyrirtæki og tengda aðila.

 

Sjá nánar í nýjasta tölublaði Skessuhorns sem kemur út í dag.

 

Sjá kafla um Sparisjóð Mýrasýslu í skýrslu Rannsóknarnefndar Alþingis hér.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is