Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. apríl. 2014 05:07

Kveikti í rusli í leyfisleysi

Vegfarandi tilkynnti um mögulegan sinubruna í Borgarfirði um klukkan eitt í dag, einhvers staðar á milli bensínstöðvarinnar Baulunnar og Bifrastar. Vegfarandinn var á ferðinni á þessum slóðum en þar sá hann reyk sem hann taldi af völdum sinuelds og lét því neyðarlínuna vita. Slökkvilið Borgarbyggðar var umsvifalaust kallað út og héldu slökkviliðsmenn á bílum frá Borgarnesi, Reykholti og Hvanneyri á vettvang. Að sögn Bjarna Þorsteinssonar slökkviliðsstjóra var um mjög óljósa tilkynningu að ræða því ekki var vitað hvar eldurinn væri. Því var fyrsta verk slökkviliðsmanna að hafa uppi á eldinum. Fljótt fundu slökkviliðsmenn þó brunalykt og með því að renna á lyktina fundu þeir brunastaðinn skammt frá bænum Munaðarnesi. Kom í ljós að þar var maður einn að brenna rusl í rólegheitunum og því ekki um sinubruna að ræða.

 

Að sögn Bjarna hafði maðurinn engin leyfi fyrir því að kveikja opin eld, en leyfi sýslumanns þarf til að kveikja eld með þessum hætti. Bjarni segir um að ræða algjört virðingarleysi hjá manninum, en með því að sækja um leyfi til að brenna rusl hefðu viðbragðsaðilar geta brugðist öðruvísi við. Virðingarleysi sem þetta kosti skattborgara einfaldlega of mikið. Margir slökkviliðsmenn eru nú í fríi og því þurfti að kalla út mannskap frá fyrrgreindum stöðum til að fullmanna slökkviliðið. Bjarna vildi því brýna fyrir fólki að fara eftir lögum í hvívetna þegar áform eru uppi um að kveikja opin eld, t.d. til að brenna rusl. Dæmin sanna nefnilega að vegfarendur eru með á nótunum og láta yfirvöld að sjálfsögðu vita ef minnsti grunur leikur á eldsvoða.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is