Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. apríl. 2014 12:01

Sex ára fangelsi fyrir ítrekuð kynferðisbrot gegn fatlaðri konu

Fjölskipaður dómur Héraðsdóms Vesturlands hefur dæmt karlmann í sex ára fangelsi fyrir kynferðisbrot gegn fatlaðri tengdamóður sinni. Ákærða var gefið að sök að hafa á tólf mánaða samfelldu tímabili fram til febrúar 2013, að minnsta kosti í þrjú aðgreind skipti í hverjum mánuði, haft samræði við konuna með því að notfæra sér andlega fötlun hennar þar sem hún gat ekki spornað við samræðinu eða skilið þýðingu þess vegna fötlunarinnar. Maðurinn viðurkenndi að hafa haft kynferðismök við konuna en neitaði því að hafa notfært sér andlega fötlun hennar. Ákærði á sér þær málsbætur einar að hann hefur játað sök, segir í dómsniðurstöðum.

 

Brotaþoli sem er 53 ára gömul hefur búið við þroskaskerðingu frá frumbernsku. Við prófun kom fram að allur almennur skilningur brotaþola er skertur. Hún skilur einföld samskipti en á í erfiðleikum með flóknari samskipti og aðstæður. Fyrir dómnum kom fram í vitnisburði konunnar að fleiri karlmenn hefðu misnotað hana um tíðina en sá sem dæmdur var. Málið kom upp þegar 82 ára gamall stjúpfaðir konunnar var úrskurðaður í gæsluvarðhald vegna gruns um að hann hefði misnotað þroskaskerta stjúpdóttur sína í um fjörtíu ár eða frá því að hún var tíu ára stúlka. Í dómi héraðsdóms sl. þriðjudag kemur fram að málið hafi tafist nokkuð vegna þess máls sem síðan var fellt niður með ákvörðun ríkissaksóknara í nóvember á síðasta ári. Auk fangelsisdómsins er ákærða gert að greiði brotaþola miskabætur að fjárhæð 2.500.000 krónur ásamt vöxtum, málsvarnarlaun verjanda síns Inga Tryggvasonar og ferðakostnað, alls tæplega fimm hundruð þúsund. Þá greiði ákærði þóknun skipaðs réttargæslumanns brotaþola, Maríu Magnúsdóttur, tæplega 340 þúsund krónur og sakarkostnað samkvæmt yfirliti sækjanda að fjárhæð 642.600 krónur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is