Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
24. apríl. 2014 08:55

Fjallað um vini handan hafs í Landnámssetrinu

 

„Undanfarin misseri hef ég haldið að minnsta kosti 20 erindi um sögu Vestur Íslendinga víða um land. Mér finnst ég skulda þessu fólki að gera þetta og ætla mér að fara í hvert einasta þorp á landinu. Vestur Íslendingar voru og eru gott fólk. Það er vert að þeirra sé minnst og tengslum haldið við ,“ segir Atli Ásmundsson fyrrum aðalræðismaður Íslands í Winnipeg.

 

Í dag, sumardaginn fyrsta, verður hann einn þeirra sem ætla að standa fyrir kynningarfundi á vegum Utanríkisráðuneytisins og Þjóðræknisfélags Íslendinga á Sögulofti Landsnámssetursins í Borgarnesi.

 

Þrír fyrirlesarar verða á fundinum. Það eru Atli sjálfur, Böðvar Guðmundsson rithöfundur og Svavar Gestsson fyrrverandi alþingismaður, ráðherra og sendiherra. Atli sem starfs síns vegna bjó um árabil sem ræðismaður í Kanada, mun segja frá Vestur Íslendingum og kynnum af þeim. Böðvar Guðmundsson ætlar að greina frá bakgrunni bóka sinna í erindi sem hann kallar „Skyggnst bak við leiktjöld bóka minna.“ Svavar Gestsson kynnir svo starfsemi Þjóðræknifélagsins.

 

Að loknum erindunum verða umræður. Fundarstjóri verður Jónína Erna Arnardóttir tónlistarkennari.

 

"Vesturferðirnar voru geysileg blóðtaka fyrir íslensku þjóðina. Mörg þeirra sem fóru gerðu það þó með ófúsum huga og þau gleymdu aldrei Íslandi. Þau höfðu Ísland með sér í hjartanu.“

 

Atli segist hafa lesið gamalt bréf frá manni úr Borgarfirði. „Ég les kannski upp úr því í Landnámssetrinu. Þar lýsir hann því hvernig hann sofi enga nótt án þess að hann dreymi um æskustöðvarnar og gamla landið. Samt segist hann aldrei hafa efast um að það hafi verið rétt ákvörðun hjá honum að flytja vestur um haf. Enn í dag sér maður þennan mikla áhuga á Íslandi hjá afkomendum þeirra sem fóru. Þau leggja rækt við íslenskar rætur sínar, stofna félög og Ísland á stað í hjörtum þeirra,“ segir Atli Ásmundsson.  

 

Allt þetta og ótalmargt fleira verður til umræðu í Landsámssetrinu á kynninarfundinum sem hefur hlotið heitið „Vinir handan hafs.“ Hann hefst á Sögulofti Landnámssetursins í dag klukkan 15.  

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is