Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. apríl. 2014 07:43

Englamömmur færðu góðar gjafir

Englamömmur á Akranesi héldu góðgerðartónleika í Tónbergi á alþjóðlegum degi barnmissis 15. október síðastliðinn. Vel tókst til að safna fyrir bættri aðstöðu þeirra sem missa börn sín og voru fjölmargir einstaklingar og fyrirtæki sem lögðu málefninu lið. Englamömmur afhentu loks kvennadeild og kapellu Heilbrigðisstofnunar Vesturlands á Akranesi og Akraneskirkju gjafir þriðjudaginn 15. apríl síðastliðinn sem keyptar voru fyrir ágóðann sem safnaðist á tónleikunum. Fæðingardeildin fékk að gjöf kassa með ýmsum hlutum sem nýtast vel þeim sem missa á meðgöngu eða rétt eftir fæðingu. Í kassanum eru meðal annars rammar sem hægt er að nota til þrykkingar handa- og fótafara, fallegir minningakassar undir það helsta sem fylgir barninu, bæklingarnir „Þegar gleði breytist í sorg“ sem gefnir eru út af Líf styrktarfélagi og nöfn og símanúmer nokkurra Englamamma. Þá fékk deildin einnig að gjöf Lazy-boy stól sem nýtist til almennra nota á deildinni en hægt er að færa hann niður í kapellu ef þörf er á. Kapellunni færðu þær að auki skiptidýnu til nota í hliðarherbergi kapellunnar. Akraneskirkju færðu Englamömmur moldunarker eftir Sigurð Aðalsteinsson og útsaumaða dúka, saumaða af Katrínu Guðmundsdóttur.

 

Þá fékk Kirkjugarður Akraness peningagjöf til að bæta aðstöðu í kirkjugarðinum við útför lítilla barna. „Þetta er til að bæta litlu smáatriðin sem þó skipta svo miklu máli. Ef hlutirnir koma til með að verða notaðir, verður fyllt á kassann,“ sögðu Englamömmur við afhendinguna. Þær bættu því við að næstu verkefni þeirra væru að leggja Hollvinasamtökum HVE lið og safna fyrir einhverju sem nýtist börn fæðast. Þetta er ekki í fyrsta sinn sem Englamömmur gefa gjafir. Í október 2012 gáfu þær tvo minni blómavasa og tvo litla standa fyrir blómakransa, sem nýtast í útförum lítilla barna. Þær gjafir voru gefnar í samvinnu við Steðja og Módel. Englamömmur vilja að lokum koma á framfæri þökkum til Blikksmiðjunnar, Topp útlits, Húsgagnahallarinnar, Sigurðar V. Aðalsteinssonar og Katrínar Guðmundsdóttur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is