Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
29. apríl. 2014 01:30

Skagamenn stefna á vinabæjamót í Tönder

Akranes á vinabæi á öllum Norðurlöndunum. Þeir eru Bamble í Noregi, Närpes í Finnlandi, Tønder í Danmörku og Västervik í Svíþjóð. Á þriggja ára fresti eru haldin vinabæjamót sem skipulögð eru af norrænu félögunum og eru þau haldin til skiptis í bæjunum. Á þessum mótum er margt sér til gamans gert. Farið er í skoðunarferðir og fyrirtæki ásamt því að stofnanir og söfn eru heimsótt, svo eitthvað sé nefnt. Lögð er áhersla á að kynnast því sem er um að vera í hinum bæjarfélögunum og vinatengsl mynduð og endurnýjuð. Oftast er boðið upp á heimagistingu og þannig gefst enn betra tækifæri til að kynnast mannlífinu betur.

 

 

Í sumar verður vinabæjamót norrænu félaganna haldið í Tønder í Danmörku 2.-6. júlí. Bærinn Tønder er á Jótlandi, skammt frá þýsku landamærunum. Fyrir nokkrum árum voru nokkur sveitarfélög sameinuð og mynda þau saman Tønder kommune með um 30 þúsund íbúa. Í „gamla“ byggðakjarnanum Tønder búa um 7 þúsund manns og telja margir gamla bæinn vera einn þann fegursta í Danmörku. Þar eru mörg falleg gömul hús og byggingar og stutt er í náttúruperlur svo sem Vadehavet. Þess má einnig geta að Jóakim prins býr í Møgeltønder með fjölskyldu sinni. Norræna félagið í Tønder hefur nú skipulagt glæsilega dagskrá fyrir vinabæjarmótið í júlí. Farið verður í skoðunarferðir, söfn heimsótt og skóverksmiðjan ECCO skoðuð og margt fleira gert sér til skemmtunar. Norræna félagið á Akranesi má senda 25 fulltrúa á mótið og eru Akurnesingar hvattir til þess að sækja um.

 

Allir Akurnesingar geta sótt um að vera með, það þarf ekki að vera í félaginu til þess. Ennþá eru laus pláss í ferðina, svo það er um að gera að skrá sig sem fyrst. Nánari upplýsingar gefur Hjördís Hjartardóttir á netfanginu haholt3@simnet.is.

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is