Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. apríl. 2014 06:01

Loftorka flytur bankaviðskipti sín til Arion banka

Loftorka í Borgarnesi hefur samið við Arion banka um endurfjármögnun á rekstri og fasteignum félagsins og færir bankaviðskipti sín samhliða þangað. Loftorka er stærsti aðilinn í framleiðslu á steyptum einingum og rörum á Íslandi og er með starfsstöðvar í Borgarnesi og Reykjavík. Mikil aukning hefur verið í verkefnum hjá fyrirtækinu undanfarið m.a. vegna sölu á steyptum einingum í nýtt fangelsi á Hólmsheiði og í fyrirhugaða hótelbyggingu við Hverfisgötu í Reykjavík. Allt útlit er fyrir áframhaldandi kröftugan vöxt fyrirtækisins í nánustu framtíð en félagið er um þessar mundir að fjölga starfsmönnum umtalsvert vegna aukinna verkefna. Fyrirtækið er einn af stærri vinnustöðum í Borgarbyggð.

 

 

Bernhard Þór Bernhardsson svæðisstjóri Arion banka á Vesturlandi, lýsir yfir ánægju sinni með þennan samning, enda Loftorka Borgarnesi sterkt félag með öfluga stjórnendur og starfsmenn. „Það hefur verið gaman að fylgjast með endurreisn þessa félags á undanförnum árum og ég hef mikla trú á stjórnendum þess. Ég er sannfærður um að Loftorka verði áfram einn af burðarásum í atvinnulífinu í Borgarfirði,“ sagði Bernhard.

 

Bergþór Ólason fjármálastjóri Loftorku er einnig ánægður með samninginn. „Fyrir okkur hjá Loftorku er þetta ánægjulegt skref að taka. Samkomulag Loftorku við Arion banka styður við þann vöxt sem nú er að verða hjá félaginu og gerir okkur kleift að sækja fram á þeim sviðum sem við erum sterkastir. Til viðbótar við þau góðu verkefni sem við höfum þegar á hendi er verkefnum í sjónmáli að fjölga og þau að stækka frá því sem verið hefur,“ sagði Bergþór.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Grundarfjarðarbær

Starf aðalbókara laust til umsóknar

Grundarfjarðarbær

Framtíð Breiðafjarðar

Dalabyggð

Framtíð Breiðafjarðar

Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is