Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. maí. 2014 10:59

Sigurður Jónsson snýr aftur á Akranes

Stjórn Knattspyrnufélags ÍA (KFÍA) skrifaði í gær undir samning við Sigurð Jónsson um að hann komi að þjálfun í víðtæku starfi félagsins. Á sama tíma gekk stjórn KFÍA frá samstarfssamningi við knattspyrnufélagið Kára á Akranesi sem kveður á um að leikmenn 2. flokks félagsins geti spilað með liði Kára í A-riðli 4. deildar í sumar. Sigurður kemur til með að þjálfa lið Kára í sumar samkvæmt samningnum, en auk þessa mun hann hjálpa leikmönnum 2. flokks að stíga sín fyrst skref í meistaraflokksbolta. Sigurður mun einnig kom til með að vinna með afrekshópi KFÍA sem efnilegustu leikmenn félagsins skipa.

 

 

 

Í tilkynningu frá stjórn KFÍA er endurkomu Sigurðar á Akranes fagnað og mun félagið njóta góðs af hans miklu reynslu. Sigurður Jónsson er einn sigursælasti leikmaður ÍA í sögu félagsins en hann lék einnig í mörg ár í atvinnumennsku í Englandi og Svíþjóð. Einnig á hann fjölda A-landsleikja að baki fyrir Íslands hönd. Sigurður hefur að auki víðtæka reynslu sem þjálfari hér á landi og í Svíþjóð þar sem hann þjálfaði m.a úrvaldeildarfélagið Djurgården um tveggja ára skeið.

 

Hlakkar til verkefnisins

„Það er bara virkilega spennandi að vera kominn heim og takast á við þetta verkefni að hjálpa ungum knattspyrnumönnum á Akranesi að þroskast og verða betri fótboltamenn,“ var haft eftir Sigurði eftir undirskriftina í gær. „Ég hlakka mikið til að leggja mitt af mörkum við að efla það góða starf sem er unnið hér í yngri flokkunum á Akranesi. Ég mun taka við liði Kára í 4. deild karla en það er virkilega spennandi verkefni þar sem stefnan er að sjálfsögðu sett á að fara upp um deild. Það segir sig sjálft að því ofar sem Kári er, því betra er það fyrir samstarf þessara félaga. Við munum nýta sumarið vel og vonandi þannig leggja grunninn að farsælu samstarfi beggja félaga til framtíðar.“

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is