Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. maí. 2014 04:10

Mórauður hundur á dyramottunni

Í kvöld verður fluttur síðasti fyrirlestur vetrarins í röð Snorrastofu í Reykholti, Fyrirlestrar í héraði, sem stofnunin hefur viðhaldið frá upphafi sínu og hlotið hafa góðar viðtökur. Í kvöld, þriðjudaginn 6. maí flytur Guðrún Jónsdóttir forstöðumaður Safnahúss Borgarfjarðar erindi í Bókhlöðu Snorrastofu um gamla sveitasamfélagið í verkum tveggja valinkunna rithöfunda síðustu aldar, Guðrúnar frá Lundi og Indriða G. Þorsteinssonar. Heiti erindisins  „Mórauður hundur á dyramottunni“ gefur óyggjandi vísbendingu um efni kvöldsins, þar sem skyggnst verður eftir bakgrunni þessara höfunda, sem gerðu mannlífi í sveitum landsins svo eftirminnilega skil í verkum sínum.  Í brennidepli verða tvö verk þeirra, Dalalíf og Land og synir, sem báðar komu út um miðbik 20. aldar. Fyrirlesturinn hefst kl. 20:30 en að honum loknum verður boðið til kaffiveitinga á kr. 500 og umræðna að þeim loknum.

 

 

 

Guðrún lauk B.A. prófi frá Háskóla Íslands í íslensku og bókmenntum þar sem lokaritgerð hennar bar sama heiti og fyrirlesturinn, sem hún heldur nú í Snorrastofu. Hún menntaðist í hörpuleik og tónmenntafræði í Salzburg og Vínarborg á árunum í kringum 1980 og hefur einnig sótt nám vegna leiðsagnar ferðamanna og safngesta. Hún réðist sem forstöðumaður Safnahúss Borgarfjarðar árið 2007 en hafði fram að því sinnt ýmsum málum í héraði, sem snertu menningu og fræðslu í víðri merkingu, tekið þátt í stjórnun sveitarfélagsins og unnið efni fyrir fjölmiðla, m.a. þætti fyrir Ríkisútvarpið.

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is