Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. maí. 2014 09:01

Segja að verkfall muni bitna á nemendum

Stjórn og fulltrúaráð Heimilis og skóla hefur áhyggjur af gangi kjaraviðræðna grunnskólakennara og sveitarfélaga. Lítið virðist miða í átt að niðurstöðu þrátt fyrir að samningaviðræður hafi staðið yfir í langan tíma, segir í ályktun félagsins. „Foreldrar telja mikilvægt að í skólum landsins starfi færir kennarar og að þeir fái sanngjörn laun. Ef til verkfalls kemur mun það hafa neikvæð áhrif á nám nemenda og því er brýnt að samningar náist í tíma. Foreldrar hafa síðan snemma síðasta haust hvatt samningsaðila til að finna lausn á deilunni og því eru það vonbrigði að enn sé ósamið,“ segir í ályktun Heimilis og skóla.

 

 

„Fyrirhuguð vinnustöðvun grunnskólakennara mun bitna á nemendum og gera fjölskyldum þeirra erfitt fyrir þá daga sem um ræðir. Þegar verkfall framhaldsskólakennara varði skapaðist alvarlegt ástand á heimilum fatlaðra framhaldsskólanema og viljum við minna sérstaklega á þá röskun sem orðið getur á daglegu lífi fatlaðra grunnskólanema og lífi nemenda með sérþarfir ef til vinnustöðvunar kemur. Foreldrar biðja deiluaðila að hafa í huga áhrif vinnustöðvunar á nám nemenda og fjölskyldulíf. Deiluaðilar eru hvattir til að funda á hverjum degi og forgangsraða áherslum í þágu nemenda. Heimili og skóli hvetja alla aðila skólasamfélagsins til að styðja við nemendur ef til vinnustöðvunar kemur. Samtökin ítreka mikilvægi þess að foreldrar haldi vel utan um nemendur og hvetji þá til að stunda námið. Sýnt hefur verið fram á að jákvæðar og uppbyggjandi samræður foreldra við nemendur um skólann og námið hafa áhrif á árangur.“

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is