Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
14. maí. 2014 01:44

Sýslumanns- og lögregluembættum fækkað stórlega

Alþingi samþykkti í morgun tvö frumvörp Hönnu Birnu Kristjánsdóttur innanríkisráðherra um breytingar á lögum um umdæmaskipan lögreglustjóra og sýslumanna. Með lögunum er embættum sýslumanna fækkað úr 24 í níu og lögregluumdæmum úr 15 í níu. Þá verður yfirstjórn lögreglu aðskilin frá yfirstjórn sýslumannsembætta. Ráðherra mun ákveða í reglugerð hvar aðalstöðvar embættanna skulu vera og hvar lögreglustöðvar verða starfræktar svo og aðrar sýsluskrifstofur. Breytt skipulag tekur gildi um næstu áramót.

 

 

 

Í tilkynningu frá innanríkisráðuneytinu segir að tilgangurinn með sameiningu sýslumannsembætta sé að til verði öflugri þjónustustofnanir sem standi betur að vígi til þess að sinna hlutverki sínu og taka að sér aukin verkefni. Með aðskilnaði yfirstjórnar lögreglu frá yfirstjórn sýslumannsembætta er lögreglustjórum gert kleift að sinna lögreglustjórn óskiptir í ljósi aukinna krafna sem gerðar eru til löggæslu. Með þessari breytingu er stefnt að því að til verði öflug lögreglulið sem njóti styrks af stærri liðsheild og verði hagkvæmari rekstrareiningar til lengri tíma litið. Ekki er gert ráð fyrir uppsögnum starfsmanna þrátt fyrir hagræðingu í rekstri og gert er ráð fyrir að starfandi sýslumenn njóti forgangs til skipunar í ný embætti sýslumanna.

Landið skiptist samkvæmt nýsamþykktu frumvarpi í níu umdæmi sýslumanna sem eru: sýslumannsins á höfuðborgarsvæðinu, sýslumannsins á Vesturlandi, sýslumannsins á Vestfjörðum, sýslumannsins á Norðurlandi vestra, sýslumannsins á Norðurlandi eystra, sýslumannsins á Austurlandi, sýslumannsins á Suðurlandi, sýslumannsins í Vestmannaeyjum og sýslumannsins á Suðurnesjum. Ný lögregluumdæmi ná yfir sömu svæði. Umdæmamörk embætta sýslumanna og lögregluembætta verða samkvæmt lögunum ákveðin í reglugerð sem ráðherra setur með hliðsjón af skipulagi annarrar opinberrar þjónustu í umdæmum og að höfðu samráði við lögreglustjóra, Samband íslenskra sveitarfélaga og landshlutasamtök sveitarfélaga.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is