Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. maí. 2014 08:54

Sólarkísilverksmiðju valinn staður á Grundartanga

Samkvæmt heimildum Skessuhorns verður fyrir hádegi á morgun skrifað undir viljayfirlýsingu milli Faxaflóahafna og fulltrúa bandaríska fyrirtækisins Silicor materials um byggingu sólarkísilverksmiðju í Kataneslandi, skammt norðan við byggingar Norðuráls á Grundartanga. Forsvarsmenn Faxaflóahafna hafa á liðnum misserum átt í viðræðum við fulltrúa bandaríska fyrirtækisins um byggingu verksmiðjunnar sem verður stór á íslenskan mælikvarða, en áætlaðir kostnaður við byggingu hennar er 77 milljarðar króna. Verksmiðjan gæti framleitt um 16 þúsund tonn af kísil á ári og mannaflsþörf er um 420 starfsmenn. Krafist verður sérfræðiþekkingar í um helming starfanna. Engum vafa er því undirorpið að um gríðarlega lyftistöng verður að ræða fyrir atvinnulífið á Vesturlandi. Eins og fram hefur komið í fréttum Skessuhorns um málið nýtist græn orka með þessu móti í umhverfisvæna starfsemi, mannfreka, en engu að síður hóflega orkukrefjandi. Góð hafnaraðstaða á Grundartanga er talinn lykillinn að vali Silicor materials á staðsetningu verksmiðjunnar. Þá er framleiðsla kísilsins sérstök að því leyti að efnið er hreinsað með bræddu áli og það selt til framleiðenda sólarrafhlaða.

 

 

 

Skipulagsmál á Grundartanga heyra undir Hvalfjarðarsveit. Sveitarstjórn þar lýsti í vor yfir stuðningi við hugmyndir um byggingu verksmiðjunnar og tók jákvætt í ívilnun vegna byggingar hennar. Ívilnanir geta falist í lækkun tryggingagjalds, tekjuskatts og fasteignaskatts til ákveðins tíma. Hugmyndir Silicor materials byggjast á að þegar í október á þessu ári geti byggingarframkvæmdir hafist á Grundartanga.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is