Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. maí. 2014 01:00

Káramenn með góða byrjun í fjórðu deildinni

Liðsmenn Kára frá Akranesi sigruðu lið Lummunnar í sínum fyrsta leik tímabilsins í A-riðli 4. deildar karla í knattspyrnu miðvikudaginn 21. maí. Leikið var í Akraneshöllinni og endaði leikurinn með 5-0 sigri heimamanna í Kára. Lið Kára hefur tekið miklum breytingum fyrir tímabilið en fyrir félagið spila nú margir annars flokks leikmenn ÍA auk þess sem fyrrum atvinnuknattspyrnumaðurinn Sigurður Jónsson hefur tekið við þjálfun þess. Káramenn byrjuðu leikinn af krafti og áttu mörg góð marktækifæri áður en fyrsta markið leit dagsins ljós. Það kom á 33. mínútu þegar Ragnar Már Viktorsson skallaði boltann í markið og leiddu Káramenn með eins marks forystu í hálfleik.

 

 

 

Svipað var upp á teningnum í síðari hálfleik þar sem liðsmenn Kára voru allsráðandi á vellinum. Á 55. mínútu skoraði Atli Albertsson mark með föstu skoti eftir sendingu frá Arnari Frey Sigurðssyni. Þriðja mark Kára kom á 72. mínútu þegar Atli Albertsson sendi boltann til Valgeirs Daða Valgeirssonar sem stóð einn og óvaldaður í vítateig andstæðingsins og renndi boltanum í autt markið. Tæplega tíu mínútum seinna kom svo fjórða mark Kára þegar Haukur Atli Hjálmarsson vippaði boltanum yfir markvörð Lummunnar eftir sendingu frá Páli Sindra Einarssyni. Fimmta og síðasta mark leiksins kom svo þegar leikmaður Lummunnar varð fyrir því óláni að setja boltann í eigið mark undir lok leiks.

 

Næsti leikur Kára verður gegn Snæfelli annað kvöld, fimmtudaginn 29. maí í Akraneshöllinni og hefst sá leikur klukkan 20:00.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is