Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. maí. 2014 12:32

Pixlaður tími í Norska húsinu í Stykkishólmi

Sumarsýning Byggðasafns Snæfellinga og Hnappdæla í Norska húsinu í Stykkishólmi verður opnuð á morgun laugardaginn 31. maí kl. 15. Sýningin stendur til 31. ágúst og er í sýningarrýmunum Eldhúsi og Mjólkurstofu á fyrstu hæð safnsins. Sýningin nefnist Pixlaður tími og er eins konar sjónrænt samtal við fortíðina. Í tilkynningu frá safninu segir að um sé að ræða samsýningu þriggja myndlistarmanna sem allir tengjast svæðinu bæði leynt og ljóst. Þetta eru þeir Birgir Snæbjörn Birgisson (f. 1966), Helgi Hjaltalín Eyjólfsson (f. 1969) og Helgi Þorgils Friðjónsson (f. 1953).

„Þeir félagar skoðuðu safnið, geymslur þess, safngripi, húsið sjálft (sem er stærsti safngripurinn) og umhverfi. Þessi skoðun, heimsóknir, endurlit til fortíðar og rannsókn á umhverfinu varð hvati og innblástur að sýningunni. Spurningum eins og „hvernig verður efni eða athöfn í nútímanum að fortíð?“ eða „hvers vegna söfnum við hlutum og frásögnum úr fortíðinni?“ er velt upp og tilraunir gerðar með að svara þeim á sjónrænan hátt. Hvað gerist ef klukka stöðvast og hún er sett aftur í gang 100 árum síðar? Hvað verður um allar mínúturnar og sólarhringana sem framhjá fóru? Hvað gerist þegar hús er tjargað svart eins og því sé dýft í blek? Hvernig lítur Norska húsið út ef horft er á það sem form bæði að utan sem innan? Hvernig kemur maður spennandi leynd til skila sem ríkir yfir fundargerðum liðins tíma?

 

Hér er gripið inn í söguna eitt augnablik, blaðsíður úr fundargerðarbók unglingastúkunnar Helgafell nr. 269 umbreytast í vatnslitaðan texta sem gefur áhugaverða innsýn í liðinn tíma og tíðaranda. Afgangs krossviðarbútar umbreytast í tvíhliða olíumálverk af heimkynnum úr æsku er tengjast gamla sýslumannshúsinu í Stykkishólmi. Ung og glæsileg kona í 19. aldar búning (blússa, skósítt pils og svunta) tekur á móti myndlistarmönnunum í skoðunarferð þeirra og umbreytist nú í röð málverka sem bera nafn hennar eins og „söguleg minning um tíma í myndverki“ eða pendúll í klukku. Innsetning í formi brjóstvarnarveggja (skreytt þil) og vatnslitamynda af þessu 182 ára gamla húsi er sett fram sem rými og form. Tíminn er eins og fryst augnablik. Myndir og minningar eru mældar í pixlum.

Myndlistarmennirnir eru allir með glæstan feril að baki og hafa sýnt víða bæði hérlendis og erlendis bæði einkasýningar og samsýningar. Þeir hafa unnið þó nokkuð saman og sýndu m.a. í Tintype galleríinu í London og Listasafni Íslands 2010.“

-fréttatilkynning

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Dalabyggð

Hornabú

Grundarfjarðarbær

ATH! Breyttur tími og dagsetning stofnun Matarklasa

Grundarfjarðarbær

Sorphirða

Grundarfjarðarbær

Aðalskipulag Grundarfjarðar - tillaga

Grundarfjarðarbær

Hunda- og kattahreinsun

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is