Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
04. júní. 2014 09:01

Áslaug er starfsmaður ársins hjá Akraneskaupstað

Uppskeruhátíð starfsmanna Akraneskaupstaðar var haldin í Tónbergi síðastliðinn mánudag. Um 140 starfsmenn mættu en þetta er í annað sinn sem bæjarstjóri heldur vorfund þar sem öllum starfsmönnum er boðið og farið er yfir starfsemi síðasta árs. Meðal annars niðurstöður úr viðhorfs- og þjónustukönnunum sem kynntar voru í lok síðasta árs. Kaupstaðurinn kom vel út í öllum þáttum nema hvað skipulagsmál snerti. Að lokinni kynningu veitti bæjarstjóri viðurkenningar fyrir framúrskarandi störf í þágu Akraneskaupstaðar. Starfsmaður Akraneskaupstaðar árið 2014 er Áslaug Þorsteinsdóttir starfsmaður Fjöliðjunnar á Akranesi. Áslaug hefur starfað í Fjöliðjunni síðan árið 1996 og er að sögn yfirmanna hennar þekkt fyrir stundvísi, gleði og dugnað.

 

 

 

Anney Ágústsdóttir, Sigurður Sigurjónsson, Margrét Þóra Jónsdóttir og Bergrós Ólafsdóttir fengu viðurkenningu vegna útgáfu bókarinnar „Snemmtæk íhlutun í málörvun tveggja til þriggja ára barna". Grundaskóli fékk viðurkenningu fyrir verkefnið „Að breyta krónum í gull“. Nemendur og starfsfólk Grundaskóla hafa markvisst sl. sex ár stutt neyðar- og þróunarstarf í Malaví, einu fátækasta ríki veraldar og hafa gefið rúmar tvær milljónir í verkefnið. Borghildur Jósúadóttir, Friðrika Eygló Gunnarsdóttir, Bryndís Siemsen og Steinunn Guðmundsdóttir fengu viðurkenningar fyrir verkefnið „Akrafjall, sóknarfæri til sköpunar".

 

Verkefnið er samstarfsverkefni þessara fjögurra kennara og sjö nemenda við Grundaskóla. Anna Lára Steindal fékk viðurkenningu fyrir vinnu að mannréttindamálum á Akranesi og S. Ragnar Skúlason fékk sérstaka viðurkenningu fyrir störf sín með Þjóðlagasveit Tónlistarskólans. Þá fékk Ingunn Ríkharðsdóttir einnig sérstaka viðurkenningu fyrir mannauðsstjórnun en Leikskólinn Garðasel hafnaði í 2. sæti í vali á fyrirmyndarstofnun ársins af Starfsmannafélagi Reykjavíkurborgar í flokknum stofnanir með undir 49 starfsmenn.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is