Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. júní. 2014 06:01

Fyrirtæki í Hólminum í samstarf

Nýverið kynntu fjögur fyrirtæki á hafnarsvæðinu í Stykkishólmi að þau hafi komið á samstarfi. Um er að ræða Harbour Hostel, ferðaþjónustufyrirtækið Iceland Ocean Tours, sem hefur verið með siglingar á svæðinu, veitingastaðinn Sjávarpakkhúsið og afþreyingarfyrirtækið Gordon ehf. Skarphéðinn Berg Steinarsson, annar eigenda Harbour Hostels, sagði í samtali við Skessuhorn að fyrirtækin tengist öll eignar- og stjórnunarlega séð og hafi því verið ákveðið að hefja samstarf milli þeirra. Þau munu til dæmis vinna saman að markaðsmálum.

„Við ætlum að gera hlutina eins vel og við getum undir eigin merkjum í sumar og sjá svo til hvað gerist í framhaldinu, hvort eitthvað meira verður gert í þessum efnum,“ segir Skarphéðinn. Hann segir nauðsynlegt að boðið verði upp á aukna afþreyingu í ferðaþjónustu í Stykkishólmi. „Gistingin hefur gengið mjög vel en það vantar upp á afþreyinguna. Við ætlum því að styrkja okkur í afþreyingu með þessum hætti. Í gegnum Gordon er til dæmis boðið upp á hjólreiðaleigu, veiðistangaleigu, gönguferðir og fleira.“ Að auki verður Iceland Ocean Tours með áframhaldandi siglingar um Breiðafjörð líkt og verið hefur.

 

Skarphéðinn segir ferðasumarið 2014 fara vel af stað. „Þetta byrjar betur en í fyrra. Við höfum gert ýmislegt til að breyta samsetningunni á ferðum og þetta fer vel af stað. Rigningin undanfarna daga hefur aðeins hægt á en þetta er ágætt í góða veðrinu. Veðrið hefur alltaf einhver áhrif,“ segir Skarphéðinn Berg Steinarsson.

 

 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is