Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
06. júní. 2014 06:00

IsNord tónlistarhátíðin hefst á mánudaginn

IsNord er borgfirsk tónlistarhátíð sem leggur áherslu á íslenska og norræna tónlist. Hátíðin fer fram í Borgarfirði og hafa tónleikarnir farið fram á ýmsum stöðum. Til dæmis í Surtshelli og Grábrókargíg svo dæmi séu tekin. Á hátíðinni eru dregnar fram perlur frá íslenskum tónskáldum í bland við það besta frá Norðurlöndunum og sameiginlegi tónlistararfur þannig gerður aðgengilegur. Jónína Erna Arnardóttir píanóleikar er frumkvöðull að hátíðinni og listrænn stjórnandi hennar. Meðstjórnandi er Margrét Guðjónsdóttir.

Jónína Erna segir að markmið með IsNord sé að gera norræna tónlist og sérstaklega íslenska tónlist aðgengilegri almenningi. „Markmið hátíðarinnar er að fylgjast með því sem er að gerast hjá ungum tónskáldum en einnig að flytja sígild verk eldri tónskálda sem mættu heyrast oftar. Hátíðin leggur einnig mikið upp úr að í hópi flytjenda og tónskálda séu listamenn sem eru búsettir í eða ættaðir úr Borgarfirði.“ Hátíðin að þessu sinni er tíu ára og fer fram dagana 9.-15. júní. Trio Danois mun m.a. frumflytja á hátíðinni nýtt verk eftir tónskáldið Tryggva Baldvinsson sem pantað var sérstaklega fyrir þetta tilefni.

Dagskrá IsNord er eftirfarandi:

 

Mánudaginn 9. júní kl. 16.00 í Reykholtskirkju. Tónar frá Einarsnesi.

Einarsnes er bær rétt ofan við Borgarnes og þaðan hefur komið mjög efnilegt listafólk og mun það bjóða upp á fjölbreytta efnisskrá. Þar eru mest áberandi systurnar Soffía, Kristín Birna, Karítas og Sigríður Þóra Óðinsdætur en fleiri koma þó að tónleikunum.

 

Laugardaginn 14. Júní kl. 16.00 í Borgarneskirkju: Trio Danois

Trio Danois er nýtt tríó, skipað hornleikaranum Pernille Karlslev og píanistunum Morten Fagerli og Jónínu Ernu Arnardóttur, það var stofnað 2013 og mun á árinu 2014 halda tónleika í Noregi, Danmörku, Færeyjum og Eystrasaltslöndunum.  Tónleikarnir á IsNord verða Íslandsheimsókn tríósins en tónlistin er frá þessum löndum og er tilefnið að minnast þess að 200 ár eru síðan þessi lönd (fyrir utan Eystrasaltslöndin) voru undir sömu stjórn.

 

Sunnudagurinn 15. Júní kl. 16.00 í Borgarkirkju: Nordic Affect

Halla Steinunn Stefánsdóttir fiðluleikari og Guðrún Óskarsdóttir semballeikari munu spila barrokktónlist í gömlu kirkjunni á Borg, sem hæfir tilefninu vel. 

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is