Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. júní. 2014 08:01

Undirbúningur Landsmóts hestamanna á fullu

Landsmót hestamanna verður haldið á Gaddastaðaflötum við Hellu dagana 30. júní til 6. júlí næstkomandi. Undirbúningur við velli og aðstöðu fyrir mótið er á fullu á Rangárbökkum. Stærsti hluti aðstöðunnar fyrir gesti mótsins mun þó ekki rísa fyrr en dagana rétt fyrir mótið, en það eru tvö gríðarlega stór markaðs- og veitingatjöld sem leigð verða frá útlöndum. Hvort þeirra um sig er um 1200 fermetrar. Mótshaldarar krossa fingur og fyrst af öllu vænta þeir góðs veðurs mótsdagana. Síðast þegar Landsmót var haldið á Hellu 2008 voru mótsgestir um fjórtán þúsund en þeir voru mun færri í Reykjavík árið 2012, um tíu þúsund manns.

 

 

 

Úrtökumót eru haldin hjá hestamannafélögum í landinu og á Landsmóti keppa bestu hross landsins og fremstu knaparnir. Axel Ómarsson framkvæmdastjóri Landsmótsins segir að miðasala til áhorfenda og gesta fari ekki af stað að ráði fyrr en rétt fyrir mótið. Reynslan sé sú að þá verði um 90% miðasölunnar. Axel segir að góður hópur frábærs fólks með reynslu vinni að undirbúningi mótsins og það auðveldi að standa fyrir þessum gríðarstóra viðburði sem landsmót hestamanna er. Mótið á Gaddastaðaflötum við Hellu núna verður það 21. í röðinni en það fyrsta var haldið á Þingvöllum 1950. Í síðustu viku gerðu mótshaldarar samning við RÚV, sem verður með innslög og fréttaflutning frá mótinu auk þess að sýnt verður beint frá völdum dagskrárliðum.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is