Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. júní. 2014 11:45

Stykkishólmur verði plastpokalaus bær 4. september

Umhverfishópur Stykkishólms fékk í ársbyrjun styrk frá umhverfis- og auðlindaráðuneytinu til að ráðast í tilraunaverkefni sem felur í sér að gera Stykkishólm að burðarplastpokalausu sveitarfélagi. Verkefnið er unnið í samstarfi við Náttúrustofu Vesturlands, Landvernd, UMÍS/Environice og Stykkishólmsbæ. Theódóra Matthíasdóttir er starfsmaður verkefnisstjórnar þessa verkefnis. Hún segir að á undanförnum árum og mánuðum hafi umræða um skaðsemi plasts stóraukist meðal almennings, en plast getur valdið mjög neikvæðum áhrifum á heilsu og umhverfi. Lengi hefur verið vitað um þörf þess að draga úr notkun plasts í heiminum en þróunin hefur því miður verði þveröfug.

 

 

 

„Undirbúningur verkefnisins hófst í vor og stendur nú yfir. Hann felur m.a. í sér samráð við verslanaeigendur og Íslenska gámafélagið og leit að mismunandi gerðum poka sem geta leyst burðarplastpokana af hólmi í öllum þeim fjölbreyttu hlutverkum sem slíkir pokar hafa gegnt hingað til, bæði við innkaup og förgun úrgangs. Stefnt er á að fimmtudaginn 4. september verði burðarplastpokanotkun hætt með pompi og prakt í öllum verslunum í sveitarfélaginu,“ segir Theódóra.

 

Hún segir að leitast verði við að vinna verkefnið í sem mestri sátt og samvinnu við íbúa og starfsfólk verslunar og þjónustu. „Umhverfishópurinn vonast til þess að Stykkishólmur verði fyrsta burðarplastpokalausa sveitarfélagið á Íslandi, íbúum og umhverfi til heilla. Enn fremur er stefnt að því að þekkingin sem verður til muni nýtast öðrum sveitarfélögum til að fylgja í kjölfarið. Um næstu áramót verður gefin út greinargerð um framvindu og árangur verkefnisins sem mun vonandi auðvelda öðrum að feta í fótspor Hólmara,“ segir Theódóra.

 

Facebook-síða verkefnisins er: Burðarplastpokalaus Stykkishólmur.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is