Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
25. júní. 2014 10:01

Brákarhátíð í Borgarnesi um næstu helgi

Brákarhátíð í Borgarnesi verður haldin næstkomandi laugardag, 28. júní. Allur undirbúningur er unninn í sjálfboðavinnu með stuðningi frá fyrirtækjum og sveitarfélaginu Borgarbyggð. Dagskráin er fjölbreytt og er ætlað að höfða til allrar fjölskyldunnar. Hátíðin í ár hefst kl. 9:00 árdegis á Brákarhlaupi sem verður í léttari kantinum í ár. Farin verður sama leið og Þorgerður Brák hljóp á sínum tíma með Skallagrím á hælunum, frá Granastöðum við Sandvík og niður að Brákarsundi, þar sem hún lét reyndar lífið. Það má hlaupa ganga og hjóla þessa leið, aðalatriðið er að allir séu með, segir í tilkynningu vegna hátíðarinnar. Í lok hlaups verður boðið upp á morgunmat við Brákarsund, bátasiglingar, víkingaskart fyrir börnin og ljósmyndasýningu. Kl. 12:30 hefst síðan keppni í leðjubolta í Englendingavík.

 

 

Víkingahátíðin hefst kl. 13:30 með skrúðgöngu frá Brákarsundi inn í Skallagrímsgarð. Þar verða víkingatjöld, víkingabardagi, handverksfólk úr héraði, verðlaunaafhending í skreytingakeppni milli hverfa og gatna o.m.fl. Klukkan 19:30 verður gengið frá planinu við Hjálmaklett niður í Englendingavík þar sem haldin verður kvöldvaka og hljómsveitin Bland mun skemmta gestum. Hátíðin endar síðan á tónleikum með Sálini hans Jóns míns í Hjálmakletti.

 

Bærinn skreyttur

Búið er að skipta Borgarnesi í litasvæði; gult, rautt og blátt og munu íbúar skreyta sínar götur í viðeigandi litum. Verðlaun verða veitt fyrir skemmtilegasta hverfið, götu ársins, frumlegustu skreytingu fyrirtækis eða stofnunar og flest „læk“ á fésbókinni. Einnig er mælst til að íbúar klæðist réttu litunum og dragi ekki úr. Reikna má með litríkum söfnuði við Brákarsund kl. 13:30 þaðan sem skrúðgangan upp í Skallagrímsgarð leggur af stað og hressum hópi sem mætir með söngbækurnar sínar við Hjálmaklett um kvöldið. Hægt er að nálgast söngtexta og frekari upplýsingar um dagskrána á www.brakarhatid.is

 

Knattspyrnudeildin með fjáröflun

Knattspyrnudeild Skallagríms stendur fyrir tónleikum og stórdansleik og þriðja árið í röð er það Sálin sem spilar á Brákarhátíð. Miðaverð hefur hækkað lítillega frá síðasta ári, segir í tilkynningu frá Skallagrími, en í fyrsta sinn núna fær knattspyrnudeild hluta af miðaverði en ekki eingöngu hagnað af veitingasölu í sinn hlut. Ballið er ein af mikilvægustu fjáröflunum deildarinnar, en þess má einnig geta að klukkan fjögur síðdegis á laugardag tekur Skallagrímur á móti Afríku í 4. deildinni á Skallagrímsvelli.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is