Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. júní. 2014 03:35

Bjarki Pétursson í öðru sæti á Íslandsmótinu í holukeppni

Kylfingurinn Bjarki Pétursson úr Golfklúbbi Borgarness varð á sunnudaginn í öðru sæti á Íslandsmótinu í holukeppni eftir æsispennandi úrslitarimmu. Bjarki spilaði vel á mótinu á sem að þessu sinni fór fram á Hvaleyrarvelli í Hafnarfirði. Komst hann upp úr sínum riðli með flesta vinninga. Bjarki sigraði svo Rúnar Arnórsson í átta manna úrslitum 1/0 og Stefán Már Stefánsson í undanúrslitum. Sá leikur endaði í bráðabana en leiknar voru 20 holur til að knýja fram úrslit. Í úrslitum um Íslandmeistaratitilinn mættust svo Bjarki og Kristján Þór Einarsson úr Golfklúbbnum Kili. Úrslitaleikurinn var jafn og spennandi og var jafnt á milli þeirra Bjarka og Kristjáns að níu holum loknum. Kristján sigraði þá þrjár holur í röð áður en þrettánda hola féll og Bjarki sigraði á þeirri fjórtándu. Kristján sigraði svo næstu holu og var með þriggja holu forystu þegar þrjár holur voru eftir. Bjarki sem mátti ekki missa holu sigraði þá 16. holu en á þeirri 17. urðu þeir jafnir svo ekki þurfti að leika síðustu holuna þar sem Kristján var með tveggja holu forystu þegar ein hola var eftir.

 

 

 

„Ég byrjaði mótið illa og tapaði fyrsta leik en vann svo næstu tvo nógu stórt til að komast áfram úr riðlinum. Ég hélt svo áfram að spila mjög vel og í úrslitunum gerði ég fá mistök en Kristján gerði engin svo ég endaði í öðru sæti. Mótið var mjög skemmtilegt og aðstæður til að spila golf voru frábærar. Ég er auðvitað svekktur yfir tapinu en að sama skapi ánægður með minn leik á þessu móti,“ segir Bjarki Pétursson um Íslandsmótið í holukeppni.

Næsta verkefni hjá Bjarka er svo Evrópumótið í golfi sem haldið verður í Finnlandi en hann var valinn í sex manna landsliðshóp Íslands sem keppir þar við 15 bestu golflandslið í Evrópu í næstu viku.

Sjónvarp Skessuhorns
Leit á vefnum
Fréttasafn
Næsta ár Fyrra ár
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is