Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
13. ágúst. 2014 11:01

Stórsigur Skallagríms gegn Afríku

Skallagrímur sigraði Afríku með sjö mörkum gegn einu þegar liðin mættust í C-riðli fjórðu deildar karla í knattspyrnu í gær. Leikið var á Leiknisvellinum í Breiðholti og léku piltarnir úr Borgarnesi á alls oddi allan leikinn. Sölvi Gylfason opnaði markareikning Skallagrímsmanna með marki strax á fjórðu mínútu. Á 27. mínútu bætti svo Guðni Albert Kristjánsson við öðru marki fyrir Skallagrím. Því næst var röðin komin að Samba Cande sem skoraði tvö mörk til viðbótar fyrir gestina og var staðan orðin fjögur mörk gegn engu þegar flautað var til hálfleiks. Guðni Albert skoraði svo sitt annað mark í leiknum og fimmta mark Skallagríms á 62. mínútu. Stuttu síðar fullkomnaði Samba þrennu í leiknum þegar hann kom Skallagrímsmönnum í sex marka forystu á 71. mínútu. Afríkumenn náðu að klóra örlítið í bakkann með marki á 77. mínútu en Viktor Ingi Jakobsson jók muninn fyrir gestina í sex mörk á ný aðeins fimm mínútum síðar. Fleiri urðu mörkin ekki í þessum fjöruga leik og lokaniðurstaðan því 1-7 sigur Skallagríms.

 

 

Næsti leikur Skallagríms er gegn Kormáki/Hvöt miðvikudaginn 20. ágúst á Skallagrímsvelli klukkan 19. Það verður síðasti leikur Skallagríms í sumar en liðið á ekki möguleika á að komast upp um deild þetta tímabilið.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is