Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. ágúst. 2014 12:01

Áttatíu ára vígsluafmæli Kolbeinsstaðakirkju

Sunnudaginn 24. ágúst kl. 14:00 verður hátíðarmessa í Kolbeinsstaðakirkju. Þar verður þess minnst að hinn 10. júní 1934 var kirkjan vígð í þeirri mynd sem hún er nú og er því 80 ára vígsluafmæli kirkjunnar. Sr. Þorbjörn Hlynur Árnason, prófastur í Vesturlandsprófastsdæmi, predikar og Sr. Páll Ágúst Ólafsson sóknarprestur á Staðarstað þjónar fyrir altari. Zsuzsanna Budai mun annast orgelleik og stjórna almennum safnaðarsöng sem leiddur verður að sameinuðum kór Fáskrúðarbakkasóknar og Kolbeinsstaðasóknar. Að athöfn lokinni er öllum boðið til kaffisamsætis í félagsheimilinu Lindartungu.

 

 

 

 

Kolbeinsstaðakirkja í Snæfells- og Hnappadalssýslu

Kirkjan sjálf var byggð úr steinsteypu árið 1933 og vígð árið 1934, líkt og fyrr segir. Þórarinn Ólafsson var yfirsmiður. Meðal góðra gripa kirkjunnar er altaristafla eftir Brynjólf Þórðarson listmálara, patína og brauðöskjur frá 1725, gotneskt Kristslíkneski úr kopar og fornir koparstjakar. Skírnarskálin er frá 1732 og útskorinn umbúnaður hennar er eftir Friðrik Friðleifsson. Síðast en ekki síst ber að nefna kaleik kirkjunnar sem Skessuhorn gerði góð skil fyrr í sumar. Sá kaleikur er sexhundruð ára gamall og enn í fullri notkun. Verður hann einmitt notaður í hátíðarmessunni.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is