Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
02. september. 2014 08:57

Söngbræður hlutu borgfirsku menningarverðlaunin

Ljóðaverðlaun Guðmundar Böðvarssonar og borgfirsku menningarverðlaunin voru afhent í Reykholtskirkju síðastliðinn laugardag. Minningarsjóður Guðmundar Böðvarssonar skálds og bónda á Kirkjubóli og Ingibjargar Sigurðardóttur konu hans standa annað hvert ár fyrir athöfn þar sem þessi verðlaun eru veitt. Að þessu sinni var það karlakórinn Söngbræður sem hlaut borgfirsku menningarverðlaunin en ljóðaverðlaunin komu í hlut Jóhanns Hjálmarssonar.

Bjarni Guðráðsson, stjórnarmaður í minningarsjóðnum, afhenti borgfirsku menningarverðlaunin. Rakti hann í stuttu máli sögu Söngbræðra og vék að því menningarhlutverki sem kórinn hafði gegnt í Borgarfirði og víðar, en með kórnum syngja meðal annarra Dalamenn og Strandamenn. Viðar Guðmundsson hefur stjórnað Söngbræðrum síðustu árin.

 

 

Böðvar Guðmundsson afhenti ljóðaverðlaun minningarsjóðs föður síns og móður sem Jóhann Hjálmarsson hlaut að þessu sinni. Þetta er í níunda sinn sem verðlaunin úr minningarsjóðnum eru veitt, en auk verðlaunaveitinganna var tónlist og ljóðalestur á dagskrá samkomunnar í Reykholtskirkju. Aðilar að minningarsjóðnum eru Búnaðarsamtök Vesturlands, Ungmennasamband Borgarfjarðar, Samband borfirskra kvenna, Rithöfundasamband Íslands og afkomendur Guðmundar og Ingibjargar á Kirkjubóli.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is