Vetraráætlun Strætó á Vestur- og Norðurlandi tekur gildi 14. september. „Litlar breytingar verða frá síðasta vetri, en þeirri tilhögun verður við haldið að leið 57 stöðvi í Staðarskála í hálftíma. Þessu var komið á í sumar og gaf góða raun. Helstu breytingar eru þessar: Á Leið 57 verður flýtt um fimm mínútur fyrstu tveimur ferðum á virkum dögum frá Borgarnesi til Reykjavíkur. Stoppað verður í hálftíma í Staðarskála eins og gert var í sumar og því lagt af stað fyrr frá Akureyri á leiðinni til Reykjavíkur og komið seinna til Akureyrar á leiðinni frá Reykjavík. Leiðum 83 og 84 er hnikað til þannig að þær standist á við leið 57,“ segir í tilkynningu frá Strætó. Nánar um leiðakerfið á www.straeto.is