Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
12. september. 2014 10:01

Óvenjulegir kammertónleikar í Dalabúð á morgun

Kammerkórinn Hymnodia frá Akureyri mun halda tónleika í Dalabúð í Búðardal á morgun, laugardaginn 13. september kl. 20. Nú ætlar kórinn að heimsækja æskuslóðir kórstjórans, Eyþórs Inga, með fjölbragðadagskrá. Uppátækjum félaga í kórnum eru engin takmörk sett, segir í tilkynningu. „Kórinn syngur, spilar á alls kyns skrýtin og skemmtileg hljóðfæri, hefur uppi glens og grín, leikræn tilþrif og jafnvel dans ef vel liggur á. Brjálaði barítóninn, drynjandi geðlæknirinn, fljúgandi Hollendingurinn, sænski grunnskólakennarinn, lagvissi lögfræðingurinn, tölvuóði trompetleikarinn og margir fleiri koma fram,“ segir í tilkynningu.

 

 

 

Meðal hljóðfæra sem kórinn notar eru: Gömul og beygluð bárujárnsplata, tekin af gömlum útihúsum í Eyjafjarðarsveit, hertrompet sem fannst á götumarkaði í Frakklandi, strákústur Sveins kirkjuvarðar í Akureyrarkirkju, blómavasar og vínflöskur, þurrkað ávaxtahýði frá Tyrklandi, blásturshljóðfæri eins og sauðaleggjaflautur, piccolo, tinflauta, orgelpípur og ocarina, strengjahljóðfærin psaltari, dulcimer, strumstick, charango, fiðla, gítar, bouzouki og rafbassi, allskonar slagverkshljóðfæri og græjutaska kórstjórans.

 

Tónlistin sjálf er því eðli málsins samkvæmt afar fjölbreytt: Þjóðlög frá öllum heimshornum; skosk drykkjuvísa, mexíkóskur baráttusöngur, madrígal um kakkalakka, sænskur dansleikur, finnskur polki, enskt ástarljóð, rússneskt vögguljóð, kvöldsöngur fiska og margt fleira. Kórinn flutti þessa efnisskrá á níu tónleikum á norðausturlandi í október og nóvember 2013, meðal annars tvisvar fyrir fullu húsi á Akureyri.

 

Aðgangseyrir er 2000 kr. Barinn verður opinn, Ásdís Melsted í Leifsbúð mun sjá til þess að allir fái drykki við sitt hæfi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is