Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
11. september. 2014 03:55

Kári í þriðju deildina á ný

Knattspyrnufélagið Kári frá Akranesi tryggði sér sæti í þriðju deildinni á ný eftir stórsigur á KFS frá Vestmannaeyjum þegar liðin mættust í Akraneshöllinni í gær. Káraliðið hefur spilað vel í sumar undir stjórn Sigurðar Jónssonar og voru áhorfendapallarnir í höllinni smekkfullir af stuðningsmönnum heimaliðsins. Káramenn byrjuðu leikinn af miklum krafti og sóttu stíft að marki KFS. Það var svo á 18. mínútu sem Ragnar Þór Gunnarsson, fyrirliði Káramanna, opnaði markareikninginn fyrir sitt lið. Eftir fyrsta markið hélt stórsókn Káramanna áfram og skorðu þeir þrjú mörk til viðbótar áður en flautað var til hálfleiks. Fyrst Fjalar Örn Sigurðsson á 20. mínútu svo Guðlaugur Þór Brandsson á 26. mínútu og mínútu áður en flautað var til hálfleiks skoraði Róbert Þór Henn fjórða mark Káramanna.

 

 

Seinni hálfleikur var ekki síðri skemmtun en sá fyrri. Þegar aðeins fimm mínútur voru liðnar af hálfleiknum kom Páll Sindri Einarsson heimaliðinu í fimm marka forystu. Það var því fátt sem gat komið í veg fyrir að Kári færi með sigur af hólmi. KFS minnkaði þó muninn á 53. mínútu en stuttu síðar skoraði Páll Sindri sitt annað mark í leiknum og jók forystuna í fimm mörk á ný. Eyjamenn náðu að klóra örlítið í bakkann með tveimur mörkum á síðasta korteri leiksins en lengra komust þeir ekki og lokatölur 6:3 fyrir Kára.

 

Káramenn unnu því samanlagt undanúrslistarimmuna með átta mörkum gegn fjórum og eru komnir í úrslitin í fjórðu deildinni þar sem þeir mæta Álftanesi á laugardaginn. Sá leikur er aðeins heiðursins vegna, þar sem bæði lið eru nú þegar búin að tryggja sér sæti í þriðju deildinni á næstu leiktíð.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is