Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. september. 2014 06:01

Minningarfyrirlestur um Snorra Sturluson næstkomandi þriðjudag

Snorrastofa í Reykholti býður upp á árlegan minningarfyrirlestur um Snorra Sturluson á dánardegi hans á morgun, 23. september í bókhlöðunni kl. 20:30. Gestur kvöldsins verður Torfi H. Tulinius, prófessor í miðaldafræðum við Háskóla Íslands, og mun hann flytja fyrirlestur með yfirskriftinni „Limlestingar á líkama og sál. Um samband ofbeldis og sagnalistar í Íslendingasögu og Njálu.“

Torfi mun leita svara við því, hvort samband sé á milli þess að mesta blómaskeið miðaldabókmennta á Íslandi hafi líka verið tími grimmustu átaka Íslandssögunnar og að samtímamenn höfunda Eglu, Laxdælu og Njálu áttu í heiftarlegum átökum þar sem margir týndu lífinu og enn fleiri urðu fyrir margs kyns áföllum. 

 

 

Í tilefni af því að átta hundruð ár eru liðin frá fæðingu Sturlu sagnaritara Þórðarsonar og í framhaldi af nýlega endurvaktri umræðu um að Sturla kynni að hafa samið Brennu-Njáls sögu, verður leitast við að bera saman hvernig ofbeldi, einkum afleiðingum þess, er lýst í Íslendingasögu Sturlu og Njálu. Sams konar skilningur á áhrifum áfalla á sálarlífið virðist vera til staðar í báðum sögunum. Verður þetta rökstutt með dæmum og rætt með hliðsjón af kenningum nútímasálarfræði um ofbeldi og áhrif þess á sálina.

 

Boðið er upp á dagskrána í samvinnu við Miðaldastofu Háskóla Íslands og er hún styrkt af Menningarráði Vesturlands. Í kjölfar fyrirlesturs Torfa verða umræður og kaffiveitingar og eru allir hjartanlega velkomnir. Aðgangur er 500 kr.

 

-fréttatilk.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is