Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. september. 2014 11:46

Andlát: Guttormur Jónsson smiður og myndlistarmaður

Guttormur Jónsson húsgagnasmiður og myndlistarmaður á Akranesi varð bráðkvaddur aðfararnótt sunnudagsins 14. september. Guttormur fæddist í Reykjavík 13. maí 1942 sonur Gretu Björnsson listmálara og Jóns Björnssonar málarameistari. Hann ólst upp í Laugartungu við Engjaveg í Laugardalnum þar sem nú er Grasagarður Reykjavíkur. Systur Guttorms eru Betty (látin), Karin, Margrét (látin) og Sigurbjörg.  Árið 1962 giftist Guttormur Emilíu Petreu Árnadóttur fyrrverandi forstöðukonu dagdeildar Dvalarheimilisins Höfða á Akranesi. Börn þeirra eru Helena myndlistarmaður og lektor við Landbúnaðarháskóla Íslands og Lárus Bjarni málarameistari í Reykjavík. Helena á drengina Axel Mána og Guttorm Jón með Gísla Baldri Henrysyni. Kona Lárusar er Hildur Jónína Þórisdóttir þroskaþjálfi og eiga þau Þóri Hlyn, Halldór Kristinn, Bárð Bjarka, Aðalstein og Emilíu Margréti.

 

 

Guttormur gekk í Laugarnes- og Langholtsskóla. Eftir það stundaði hann nám í húsgagnasmíði við Iðnskóla Reykjavíkur, þaðan sem hann lauk sveinsprófi sumarið 1963.  Hann hafði mikinn áhuga á útivist og skíðamennsku og var virkur félagi í Ármanni. Þá vann hann mörg sumur á Kili við smíðar á skíðaskólanum í Kerlingarfjöllum og húsi Veðurstofu Íslands á Hveravöllum. Guttormur bjó öll sín búskaparár á Akranesi. Fyrstu árin vann hann í trésmiðjunni Akri en síðan hjá Þorgeir & Ellert. Árið 1981 hóf hann störf við Byggðasafnið að Görðum þar sem hann starfaði við forvörslu þar til hann komst á eftirlaun. Með vinnu stundaði hann í fjögur ár nám við myndhöggvaradeild Myndlistaskóla Reykjavíkur. Hann hélt nokkrar einkasýningar, m.a. á Kjarvalsstöðum árið 1986 og tók þátt í fjölda samsýninga. Síðasta sýning Guttorms var á Safnasvæðinu í Görðum á Vökudögum sl. haust. Á Akranesi eru fjögur útilistaverk eftir Guttorm. Þá vann hann að sérsmíði við kvikmyndina Parardísaheimt og einnig að viðgerðum á verkum eftir Ásmund Sveinsson fyrir Listasafn Reykjavíkur. Guttormur var útnefndur bæjarlistamaður Akraneskaupstaðar árið 1994.

 

Útför Guttorms Jónssonar verður gerð frá Akraneskirkju miðvikudaginn 24. september klukkan 14.

 

Völundur

Eftir Guttorm Jónsson liggur mikið ævistarf og hefur fjölskylda hans áhuga á að taka saman bók um helstu verk hans á sviði húsgagnasmíði, forvörslu og listsköpunar. Þeir sem hafa hug á að leggja málefninu lið geta lagt inn á reikninginn:

 

Völundur - banki 0326-13-110118 Kt. 260663-7399.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is