Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. október. 2014 10:54

Nokkur mengun frá Holuhrauni á Suður- og Vesturlandi

Nokkur brennisteinsdíoxíð (SO2) mengun frá eldgosinu í Holuhrauni mældist á höfuðborgarsvæðinu og sunnanverðu Vesturlandi í gær og mun samkvæmt spá Veðurstofu Íslands verða greinanleg á Suður- og Vesturlandi næstu daga. Almannavarnir vilja hvetja almenning til þess að kynna sér upplýsingar um loftgæði á síðunni www.loftgaedi.is og á heimasíðu Umhverfisstofnunar www.ust.is  Frá eldgosinu í Holuhrauni losna gosefni út í andrúmsloftið, sem geta haft áhrif á heilsu manna. Algengustu gosefnin eru vatn (H2O), koldíoxíð(CO2) og brennsteinsdíoxíð (SO2). Auk þess losna önnur efni eins og brennisteinsvetni (H2S), vetni (H2), kolmónoxíð (CO), vetnisklóríð (HCl), vetnisflúoríð (HF), og helíum (He), en í minna magni.

Helstu áhrif gastegunda frá gosinu á heilsu manna eru af völdum  SO2. Einkenni geta verið ertingur í augum, hálsi og öndunarfærum og við háan styrk getur fólk fundið fyrir öndunarörðugleikum.  Verði fólk vart við mikla mengun er það beðið að halda sig innandyra og forðast óþarfa útiveru og auka kyndingu þegar mikil mengun gengur yfir og bíða eftir að mengunin gangi yfir. Þetta á sérstaklega  við um ung börn og fólk með astma eða aðra undirliggjandi sjúkdóma.

"Rétt er að geta þess að þetta ástand hefur verið viðvarandi frá því gosið hófst 31. ágúst síðastliðinn aðallega á Norður- og Austurlandi. Samkvæmt upplýsingum frá Landlæknisembættinu hafa engin alvarleg tilfelli verið tilkynnt til heilbrigðisyfirvalda vegna gasmengunarinnar. Á vefsíðu landlæknis www.landlaeknir.is  er hægt að nálgast upplýsingar um áhrif mengunar á heilsufar og ráðleggingar um viðbrögð við SO2 frá eldgosinu," segir í tilkynnigu frá almannavarnadeild Ríkislögreglustjóra.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is