Forsíða
Auglýsing
Rss straumur af fréttum frá Skessuhorni
Miðaftann. Þriðji Þórsdagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. október. 2014 03:01

Haustfagnaður félags sauðfjárbænda í Dölum verður 24.-25. október

Undanfarin ár hafa bændur í Félagi sauðfjárbænda í Dalasýslu staðið fyrir mikilli hausthátíð sem vel hefur verið sótt. Að venju hefjst hátíðin á föstudeginum með opnum fjárhúsum og hrútasýningu í norðurhólfi og eru það Jón Egill og Bjargey á Skerðingsstöðum sem bjóða okkur heim að þessu sinni. Hrútasýningin hefst kl 12:00. Að hrútasýningu lokinni er haldið í íþróttahúsið að Laugum í Sælingsdal þar sem haldin verður sviðaveisla, hagyrðingakvöld og dansleikur. Á veisluborðinu verða reykt, söltuð og soðin svið, sviðalappir ásamt meðlæti við hæfi. Við hagyrðingaborðið munu sitja: Kristján Ragnarsson Reykjavík, Helga Guðný Kristjánsdóttir Botni í Súganda, Ragnar Ingi Aðalsteinsson fyrrum Dalamaður, Ólína Þorvarðardóttir á Ísafirði og Helgi Zimsen Reykvíkingur. Þau munu fræða gesti í bundnu máli um landsins gagn og nauðsynjar ásamt Viðari Guðmundssyni kórstjóra og bónda á Miðhúsum í Strandasýslu, sem mun stýra kvöldinu. Einnig mætir Gissur Páll Gissurarson söngvari og syngur af sinni alkunnu snilld. Hljómsveitin Smalarnir frá Súgandafirði endar kvöldið með dansleik.

 

 

 

Laugardagurinn byrjar með opnum fjárhúsum og hrútasýningu í suðurhólfi hjá heimilisfólkinu á Kvennabrekku í Miðdölum og hefst Hrútasýningin kl. 10:00. Opna hrútamótið í knattspyrnu verður að Laugum í Sælingsdal.  Að lokinni hrútasýningu verður haldið í Reiðhöllina í Búðardal og verður þar margt að sjá. Meðal annars fer fram Meistaramót Íslands í rúningi. Konur úr sveitinni koma og sýna gamla handbragðið í vinnslu ullar, markaður og konur í kvenfélaginu Þorgerður Egilsdóttir verða með veitingasölu.  Jötunn vélar og fleiri verða með sýningu á tækjum og einnig munu bændur koma með nýju dráttarvélarnar, rúlluvélarnar og hrífurnar sínar. Ýmislegt fleira athyglisvert verður á boðstólnum. Um kvöldið verður grillveisla að hætti FSD í Dalabúð með hinum ýmsu uppákomum, þar á meðal mun sönghópurinn Þrjú á priki syngja, verðlaunaafhending fyrir efstu hrútana í hverjum flokki, besta hrútinn í sýslunni og afurðahæðstu fimm vetra á sýslunnar.

 

Endar svo fagnaðurinn með stórdansleik í Dalabúð þar sem meðlimir hljómsveitarinnar Á móti sól  halda uppi stuðinu fram eftir nóttu.

Ljósmyndasamkeppni. Myndefni: Sauðfjárbóndi í blíðu og stríðu. Myndir sendar inn á facebook síðu okkar, vegleg verðlaun í boði.

Nánari dagskrá verður hægt að sjá á www.dalir.is, www.budardalur.is og á facebook síðu okkar Félag sauðfjárbænda í Dalasýslu.

 

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is