Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. október. 2014 10:09

Fyrsta sumargotssíld vertíðarinnar á leið í land

Uppsjávarskipin Ingunn AK 150 og Jóna Eðvalds SF 200 eru nú á leið til lands með síldarfarma sem skipin fengu á Breiðafirði. Ingunn heldur til löndunar á Vopnafirði en Jóna Eðvalds siglir til Hornafjarðar. Minnst þrjú önnur skip eru nú á leið á miðin í Breiðafirði.
„Við fórum út frá Reykjavík á aðfararnótt mánudagsins frá Reykjavík. Síðan byrjuðum við svo að veiða með flotvörpunni eftir hádegið á þriðjudag og fengum 500 tonn í fyrsta halinu. Það var svo lítið að hafa um nóttina. En svo tókum við tvö stutt tog í gær sem skiluðu því sem okkur vantaði upp á að ná fullfermi. Við erum nú með 970 tonn á leið til Vopnafjarðar,“ sagði Guðlaugur Jónsson skipstjóri á Ingunni þegar Skessuhorn náði tali af honum í morgun. Skipið var þá statt á austurleið úti af Húnaflóa.

 

 

 

Guðlaugur segir að þetta sé mjög góð Íslandssíld sem þeir hafi fengið. Hún veiddist á Látragrunni. „Hún er falleg, um 330 grömm hver fiskur sem þykir gott úr þessum stofni. Annars sáum við ekki mikið til síldar þarna, bara litlar stakar torfur. Það er þó svo sem lítið að marka það því við leituðum ekki mikið. Jóna Eðvalds hafði verið þarna í síðustu viku og leitað. Þeir urðu varir við líf en urðu þá að leita til lands vegna brælu. Þá leituðu þeir inni á sundunum austan við Bjarnarhöfn á Snæfellsnesi en þar var ekkert að sjá. Kannski er of snemmt að síldin komi þangað eins og undanfarin ár og kannski mun hún ekki gera það yfir höfuð í ár. Það var mjög lítið þar í fyrrahaust. En nú fengu þeir á Jónu Eðvalds líka afla um leið og við úti í Breiðafirði og þeir eru að fara á Hornafjörð með um 600 tonn. Ég veit svo að Lundey, Ásgrímur Halldórsson og Hoffell eru allir á leið á síldveiðar fyrir vestan eða komnir þangað,“ segir Guðlaugur Jónsson.  Ingunni verður haldið aftur til síldveiða þegar löndun lýkur á Vopnafirði.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is