Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. október. 2014 08:09

Landsæfing Rauða krossins í dag – Eldað fyrir Ísland

Rauði krossinn á Íslandi stendur fyrir landsæfingu í dag, sunnudag og býður þjóðinni jafnframt í mat. Alls verða um 50 fjöldahjálparstöðvar opnaðar um allt land þar sem sjálfboðaliðar RKÍ standa vaktina, rétt eins og um alvöru neyðarástand væri að ræða. Klúbbur matreiðslumeistara leggur Rauða krossinum lið á landsæfingunni með því að reiða fram þjóðarréttinn, íslenska kjötsúpu. „Rauði krossinn á Íslandi vonast til að sjá sem flesta á landsæfingunni. Það er hagur okkar allra,“ segir í tilkynningu. Meðal annars verður boðið í mat á Akranesi, Borgarbyggð, Snæfellsbæ, Grundarfirði, Stykkishólmi og Búðardal. Þess má geta að Fjöldahjálparstöð RKÍ á Akranesi er staðsett í Brekkubæjarskóla, nánar tiltekið þar sem gengið er inn í salinn.

Elín Kristinsdóttir er formaður RKÍ deildar í Borgarbyggð. „Í Borgarbyggð verða fjöldahjálparstöðvarnar þrjár; í Menntaskóla Borgarfjarðar, Háskólanum á Bifröst og Landbúnaðarháskólanum á Hvanneyri. Opið verður frá kl. 11 til 15 og vonumst við til að sem flestir sjái sér fært að taka þátt í æfingunni með því einfaldlega að mæta á staðinn, skrá sig inn og þiggja íslenska kjötsúpu í boði Klúbbs matreiðslumeistara,“ segir Elín.

 

Þá segir hún að á síðustu vikum hafi Íslendingar verið rækilega minntir á kraft óútreiknanlegra náttúruafla. „Hættan er ætíð til staðar fyrir alla sem hér eru staddir, þar sem neyð gæti orðið raunin á örskammri stundu. Skapist mikil neyð er mikilvægt fyrir alla landsmenn, og gesti okkar einnig, að vita hvert á að sækja hjálp og hvar er hægt að komast í öruggt skjól. Rauði krossinn á Íslandi vonast til að sjá sem flesta á landsæfingunni. Það er hagur okkar allra. Með þinni þátttöku fá sjálfboðaliðar okkar æfingu í að opna stöðvarnar og taka á móti stórum hópi fólks. Þiggðu súpu, það hjálpar okkur,“ segir í tilkynningu frá Elínu Kristinsdóttur formanns Borgarbyggðardeildar RKÍ.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is