Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
17. október. 2014 12:45

Nýr ljósabúnaður vígður á Akratorgi

Fjöldi fólks hafði safnast saman á Akratorgi í gær, þegar nýr ljósabúnaður á torginu var vígður á degi Bleiku slaufunnar. Ljóskastararnir eru frá fyrirtækinu Thorn (Johan Rönning) og hinir tæknilegustu. Um er að ræða LED kastara sem stýrt er í gegnum þráðlaust net með spjaldtölvu. „Hægt er að lýsa upp sviðið, styttuna af sjómanninum eða gosbrunninn. Þá er einnig hægt að kalla fram alla liti og tímastilla ljósin. Þannig mætti til dæmis hafa aðeins eina lýsingu á gönguleiðum og styttu á nóttunni og dempa hana svo yfir blánóttina,“ sagði Regína Ásvaldsdóttir bæjarstjóri Akraneskaupstaðar í samtali við Skessuhorn.

 

 

„Þetta er fyrsta torgið á Íslandi sem er með litskiptum LED ljósum sem hægt er að breyta að vild og skapa þá stemningu sem á við hverju sinni. Þetta er í raun í fyrsta sinn sem varanleg lýsing af þessu tagi er sett upp hér á landi en henni er stjórnað af þráðlausri spjaldtölvu.“ Lampar frá sama framleiðanda eru á gangstígum torgsins og eru þeir með málmhalógenperu. Sú tegund er ætluð til að skapa stemningu á torgum og í miðbæjarkjörnum og er þetta einnig í fyrsta sinn sem sú tegund er sett upp á landinu. Það var Arndís Halla Jóhannesdóttir sem kveikti á ljósunum, sem nú eru bleik að lit í tilefni árvekni- og söfnunarátaks Krabbameinsfélags Íslands. Eftir að kveikt var á ljósunum skemmti Friðrik Dór áhorfendum við góðar undirtektir. Krabbameinsfélag Akraness seldi gestum og gangandi heitt kakó og rann allur ágóði til félagsins. Þá voru verslanir á Akranesi með lengri opnunartíma og því var fjöldi fólks í miðbænum fram eftir kvöldi í gær.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is