Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
22. október. 2014 09:39

Holl ráð fyrir rjúpnaskyttur sem arka af stað á föstudaginn

Á föstudaginn hefst rjúpnaveiðitímabil þessa árs. Það stendur í 12 daga þar sem veiða má þrjá daga í senn frá föstudegi til sunnudags, fjórar helgar í röð. Síðasti veiðidagur verður sunnudaginn 16. nóvember. Einar Sveinbjörnsson veðurfræðingur hjá Veðurvaktinni segir að um helgina megi vænta hæglætis vetrarveðurs víðast hvar á föstudag, hægum vindi og smáéljum hér og þar. „Á laugardag hvessir hins vegar af austri og þá má reikna með snjókomu og skafrenningi til fjalla, en slyddu á láglendi. Einkum um sunnanvert landið. Norðan- og norðaustanlands er útlit fyrir heldur skárra veður.  Á sunnudag dregur svo enn frekar til tíðinda og talsverðar líkur þá á norðankasti á landinu samfara djúpri lægð fyrir austan land.“  Það er árviss viðburður að björgunarsveitir séu ræstar út til að aðstoða rjúpnaskyttur í vanda. Veiðimönnum ber skylda til að gera sitt ýtrasta til að fyrirbyggja slíkt. Með því að búa sig vel má bæði koma í veg fyrir slys og að villast.  Hér að neðan má finna holl ráð sem gott væri að rjúpnaveiðimenn kynntu sér vel. Það er tryggingafélagið VÍS sem tók þau saman:

 

        

            Mikilvægt er að veiðimenn búi sig vel, kynni sér í þaula færð og veður fyrir brottför og taki full mark á viðvörunum.

 

         Skoði gasspá og mælingar á loftgæðum. Ef  gasmengun er á svæðinu getur þurft að endurskoða áætlanir og/eða hafa með sér viðeigandi búnað. Rakur klútur fyrir vitum getur hjálpað. Hafa þarf í huga að brennisteinsmengun getur verið missterk innan hvers svæðis. Til að mynda getur mengunin safnast fyrir í lautum og dölum. Þeir sem eru viðkvæmir í öndunarfærum þurfa sérstaklega að hafa varann á og ef tekin eru lyf við því ættu þau að vera meðferðis.

 

         Gera ferðaáætlun og skilja hana eftir hjá vandamönnum og á safetravel.is. Þar þarf að koma fram hvert á að fara, hverjir eru með í för, með hvaða búnað og hvenær áætlað er að koma til baka.

 

         Klæðast fatnaði í nokkrum lögum og það ysta vel vind- og vatnshelt og í áberandi lit.

 

         Vera í vatnsheldum skóm með grófum sóla.

 

         Hafa áttavita, kort og fjarskiptatæki með í för. Gæta þess að allar rafhlöður séu vel hlaðnar og vera með 112 snjallsímaforritið í símanum.

 

         Vera á vel útbúnum bíl, á góðum vetrardekkjum og hreinsa þau með tjöruhreinsi áður en lagt er af stað.

 

         Hafa orkuríkt nesti og nægan  vökva með í för og gott er að hafa hluta vökvans heitan.

 

         Ekki vera ein á ferð og gæta að öðrum veiðimönnum.

 

         Aldrei geyma byssuna hlaðna í bílnum og hafa öryggið á á göngu.

 

         Spenna ávallt bílbeltið og gæta þess að festa niður farangur.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is