Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. október. 2014 02:01

Koma saman og hekla dúllur á bókasafninu

Á hverjum þriðjudegi á milli klukkan 16 og 18 eru haldnar svokallaðar dúllustundir á Bókasafni Akraness. Þar hittist hópur heklara og heklar dúllur. Takmarkið er að hekla að minnsta kosti 150 dúllur fyrir 150 ára afmælisdag bókasafnsins, sem verður 6. nóvember næstkomandi. Að endingu verður hönnuð og sett saman afmælisgjöf til safnsins úr dúllunum. Að auki hittast þær tilfallandi laugardaga en það er betur kynnt á Facebook síðu bókasafnsins. Blaðamaður Skessuhorns leit við á bóksafninu síðastliðinn laugardag og hitti þar sjö heklandi konur. Ein þeirra var Skagamærin Guðrún Jóhannesdóttir. „Við erum að hekla dúllur í öllum stærðum og gerðum. Þetta eru allskyns lítil stykki, því dúlla getur verið hvernig sem er. Dúlla getur verið þríhyrnd, ferköntuð eða hringlótt, lítil eða stór,“ útskýrir Guðrún. Hópurinn segir alla velkomna á dúllustundirnar, jafnt þeir sem eru vanir og óvanir. „Það er um mánuður síðan við byrjuðum að hittast á safninu einu sinni í viku. Á fyrstu dúllustundina komu sex konur en við höfum mest verið tólf. Það eru alltaf að koma nýjar konur, sumar þeirra kunna að hekla og aðrar ekki. Það eru allir velkomnir, líka þeir sem ekkert kunna því hingað mæta þrælvanar konur og leiðbeina. Það eina sem þarf að koma með er garn og heklunál og ef fólk á það ekki til, þá erum við yfirleitt með auka nál í veskinu. Svo vantar alveg að minnsta kosti einn til tvo herramenn til að koma og sveifla heklunálinni með okkur,“ segja þær hressar.

 

Sjá nánar í Skessuhorni vikunnar.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is