Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
23. október. 2014 12:46

Frumathugun á samlegð Landmælinga Íslands og Þjóðskrár Íslands

Hanna Birna Kristjánsdóttir, innanríkisráðherra og Sigurður Ingi Jóhannsson, umhverfis- og auðlindaráðherra hafa samþykkt tillögu forstjóra Landmælinga Íslands og Þjóðskrár Íslands um að gerð verði frumathugun á samlegð í starfsemi þessara stofnana. Í athuguninni verður núverandi starfsumhverfi stofnananna greint og metið hvernig ytri aðstæður geta haft áhrif á starfsemina á næstu árum. Þá verða innviðir stofnananna einnig greindir, til að meta hve vel þær eru búnar undir samþættingu eða sameiningu. Einnig verður haft til grundvallar við athugunina að lýsa framtíðarsýn og skilgreina markmið með samþættingu eða sameiningu og gerðar tillögur um valkosti. Verkefnið er í anda núverandi ríkisstjórnar um að bæta og einfalda stjórnsýslu og þjónustu hins opinbera.

 

Lögð áhersla á að sérhæfð þekking tapist ekki

 

Umhverfis- og auðlindaráðuneytið leggur áherslu á að sem best verði tryggt að sérhæfð þekking á sviði landupplýsinga sem byggð hefur verið upp hjá Landmælingum Íslands á Akranesi undanfarin fimmtán ár tapist ekki. Lögð er áhersla á að hugað sé vel að markmiðum núverandi ríkisstjórnar um að fjölga opinberum störfum utan höfuðborgarsvæðisins og að auki leggur ráðuneytið til að mat verði lagt á hvort mögulega sé samlegð á fleiri sviðum á starfssviði Landmælinga Íslands, svo sem í tengslum við stofnanir umhverfis- og auðlindaráðuneytisins. Samhliða þessu verkefni mun starfshópur, sem skipaður hefur verið af innanríkisráðherra, vinna að stefnumótun og skipulagi í málaflokkum Þjóðskrár Íslands og Útlendingastofnunar, þar sem meðal annars verður kannaður fýsileiki þess að sameina Þjóðskrá Íslands og Útlendingastofnun. Tillögur á grundvelli til athugunar Landmælinga Íslands og Þjóðskrár verða settar fram í greinargerð til umhverfis- og auðlindaráðherra annars vegar og innanríkisráðherra hins vegar fyrir 1. febrúar 2015. 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is