Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
28. október. 2014 10:05

Snæfell var sterkara á síðustu metrunum

Mikil og góð stemning var í íþróttahúsinu í Borgarnesi í gærkveldi enda Vesturlandsslagur í Dominosdeild karla milli Skallagríms og Snæfells. Leikurinn var jafn og spennandi en Snæfellingar reyndust sterkari á lokametrunum og sigruðu 88:83. Þetta var lokaleikur þriðju umferðar og Snæfell þá komið með fjögur stig en Skallagrímur er enn á stiga. Þetta var fjórði sigur Snæfells síðan 2008 í Fjósinu eins og íþróttahúsið í Borgarnesi er gjarnan kallað. Fyrir leikinn var körfuboltamaður sem leikið hefur með báðum liðum heiðraður fyrir framlag sitt til körfuboltans á Íslandi. Það er Hafþór Ingi Gunnarsson uppalinn í Borgarnesi en lék síðustu ár ferilsins með Snæfelli. Hafþór þurfti að leggja skóna á hilluna síðasta vetur vegna þrálátra meiðsla.

 

 

 

Skallagrímsmenn voru yfirleitt skrefinu á undan fyrri hluta leiksins. Þeir voru einu stigi yfir eftir fyrsta leikhluta og á tímabili í öðrum leikhluta komust þeir tíu stigum yfir 40:30. Það var einmitt eftir að Páll Axel Vilbergsson skoraði sína þúsundustu þriggja stiga körfu í efstu deild á Íslandi og fer leikurinn í gærkveldi í sögubækurnar þess vegna. Skallagrímsmenn voru fjórum stigum yfir í hálfleik 48:44, en Snæfellingar komu grimmir til seinni hálfleiks. Þeir komust yfir í þriðja leikhluta en jafnt var eftir hann 63:63.Snæfell var síðan með frumkvæðið í lokafjórðungum. Skallagrímsmenn komust reyndar einu stigi yfir þegar rúm mínúta var eftir af leiknum, 83:82. Páll Axel fékk tækifæri til að jafna leikinn með þriggja stiga körfu í stöðunni 83:86 en í þröngri stöðu tókst honum ekki að skora sinn fimmta þrist í leiknum. Snæfell var sterkari á lokasprettinum og sigraði í þessu magnaða Vesturlandseinvígi.

 

Tracey Smith var atkvæðamestur hjá Skallagrími með 26 stig og 7 fráköst, Páll Axel kom næstu með 16 stig, Egill Egilsson skoraði 15, Sigtryggur Arnar Björnsson átti mjög góðan leik, með 14 stig, 5 fráköst, 6 stoðsendingar og 5 stolna bolta, Daði Berg Grétarsson skoraði 6 stig og þeir Davíð Ásgeirsson og Atli Aðalsteinsson 3 hvor. Austin Magnus Bracy var stigahæstur hjá Hólmurum með 26 stig og 6 stoðsendingar, Sigurður Þorvaldsson var með 20 stig, 5 fráköst og 6 stoðsendingar, William Nelson 16 stig og 12 fráköst, Pálmi Freyr Sigurgeirsson 14 stig og Stefán Karel Torfason 12 stig og 10 fráköst.

 

Lítil hvíld verður hjá leikmönnum beggja liða þar sem þau leika bæði í 4. umferð Dominosdeildarinnar nk. fimmtudagskvöld. Snæfell fær þá Stjörnuna í heimsókn en Skallagrímsmenn sækja Hauka heim á Ásvelli. Haukar eru á toppi deildarinnar ásamt KR en bæði lið eru taplaus.

 

Meðfylgjandi myndasyrpu tók Jónas H Ottósson.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Framleiðnisjóður Landbúnaðarins

Fram á völlinn

Grundarfjarðarbær

Fundaröð um vegamál á Vesturlandi

Grundarfjarðarbær

Bæjarstjórnarfundur

Dalabyggð

Sveitarstjórn Dalabyggðar - 181. fundur

Grundarfjarðarbær

Gjöf frá Lionsklúbbi Grundarfjarðar

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is