Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. nóvember. 2014 10:30

Skallagrímur tapaði á háspennu botnslag

Skallagrímsmenn máttu bíta í það súra epli í gærkvöld, að tapa naumlega fyrir Fjölnismönnum í Dominosdeildinni eftir hetjulega baráttu, 113:110. Um háspennuleik var að ræða sem fram fór í íþróttahúsinu, Fjósinu, í Borgarnesi. Jafnt var eftir venjulegan leiktíma. Því þurfi að grípa til framlengingar þar sem Fjölnismenn reyndust örlítið heppnari. Skallagrímsmenn léku án Páls Axels Vilbergssonar annan leikinn í röð og munar um minna. Skallagrímur er því enn án stiga í Dominosdeildinni eftir fimm umferðir og einir á botni deildarinnar.

 

Leikurinn var hnífjafn allan tímann. Jafnt var eftir fyrsta leikhluta og Skallagrímur þremur stigum yfir í hálfleik, 50:47. Aðeins einu stigi munaði á liðunum fyrir lokafjórðung venjulega leiktíma, Skallagrímur leiddi þá 77:75. Borgnesingar voru þremur stigum yfir, 94:91, þegar 19 sekúndur voru til leiksloka en brutu svo á Fjölnismönnum í þriggja stiga skoti þegar tíu sekúndur lifðu leiks. Gestirnir minnkuðu muninn í 94:93. Skallagrímsmenn komust í 95:93 á vítalínunni aðeins sekúndu síðar. Það var svo Daron Sims sem jafnaði 95:95 fyrir Fjölni þegar sekúnda lifði leiks og framlengja varð leikinn. Liðin slógu ekki slöku við í framlengingunni en eins og áður segir reyndust Fjölnismenn þar örlítið heppnari.

 

Tracy Smith og Sigtryggur Arnar Björnsson fóru fyrir liði Skallagríms í leiknum. Tracy skoraði 44 stig og Sigtryggur 35, Egill Egilsson 12, Davíð Ásgeirsson 8, Daði Berg Grétarsson 5 og þeir Davíð Guðmundsson og Atli Aðalsteinsson 3 hvor. Hjá Fjölni var Arnþór Freyr atkvæðamestur með 28 stig og Daron Lee Sims skoraði 20. Í næstu umferð fá Skallagrímsmenn Stjörnuna í heimsókn. Hún er eitt af efstu liðunum. Leikurinn fer fram nk. fimmtudagskvöld.

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is