Forsíða
Auglýsing
Rss straumur af fréttum frá Skessuhorni
Miðaftann. Fjórði Mánadagur í Tvímánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
19. nóvember. 2014 03:33

Andlát: Þorkell Fjeldsted í Ferjukoti

Þorkell Fjeldsted bóndi og lífskúnstner í Ferjukoti er látinn eftir erfið veikindi, 67 ára að aldri. Þorkell fæddist og ólst upp í Ferjukoti, hinum forna verslunar- og sögustað á bökkum Hvítár í Borgarfirði. Þorkell og Heba Magnúsdóttir, eftirlifandi eiginkona hans, hafa verið ábúendur í Ferjukoti síðan 1970. Börn þeirra voru fimm og eru fjögur á lífi. Þorkell var fjórði ábúandinn í Ferjukoti í beinan karllegg. Þekktust er Ferjukotsjörðin fyrir laxnytjar í Hvítá, einkum netaveiðina, vinnslu og sölu. Á undanförnum árum byggði Þorkell upp veiðiminja- og sögusafn í gömlu bæjarhúsunum og hefur verið óspar að miðla þekkingu sinni og reynslu um laxveiðar fyrri tíma í Borgarfirði. Samhliða laxnytjum hefur hefðbundinn landbúnaður verið stundaður í Ferjukoti ásamt öðru, á borð við rekstur lögferju, símstöð, verslun og bensínstöð enda lá Þjóðvegur eitt um bæjarhlaðið í Ferjukoti allt fram til 1980 að Borgarfjarðarbrúin var opnuð.

Þorkell Fjeldsted er eftirminnilegur þeim fjölmörgu sem honum kynntust enda spaugsamur, ræðinn og skemmtilegur. Þorkell lét sig varða félagsmál bænda og laxveiðimanna, samvinnufólks og var áhugamaður um ýmis önnur samtímamál. Ættingjum, fjölskyldu og vinum sendir ritstjórn Skessuhorns innilegar samúðarkveðjur.

 

 

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is