Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
30. nóvember. 2014 11:01

Körfuboltakappi í ferðaþjónustu í Hólminum

Arnþór Pálsson körfuboltamaður, kokkur og móttökustjóri hjá Hótel Egilsen, hefur verið búsettur í Stykkishólmi að mestu frá eins árs aldri. „Maður segir nú eiginlega ekki frá því en ég er fæddur 1985 á Selfossi,“ segir hann og gottir við, augljóslega að grínast. „Pabbi er frá sveitabæ við Flúðir í Hrunamannahreppi en ég kom hingað í Hólminn ársgamall og hef mestmegnið verið hér síðan. Þó var ég tvö ár í Fjölbrautaskóla Vesturlands á Akranesi og bjó þá á heimavistinni þar. Þá var þetta þannig að það var útibú hér í Stykkishólmi frá fjölbraut á Akranesi og maður gat tekið fyrsta námsárið þar. Svo var náminu haldið áfram á Akranesi.“

 

Körfuboltinn lokkaði

 

Arnþór dvaldi þó ekki lengi við á Skaganum. Heimabærinn með spennandi körfuboltamenningu kallaði á hinn unga Hólmara. Körfuboltinn var hans helsta áhugamál. Það gilti bæði um hann og fleiri. „Þegar ég var í fjölbrautinni á Akranesi var Fjölbrautaskóli Snæfellinga stofnaður í Grundarfirði. Við ákváðum þá nokkrir félagarnir héðan úr Stykkishólmi að flytja til baka og heim. Með því lengdum við aðeins námið okkar en gátum á móti spilað næstu árin í unglingaflokki í körfuboltanum.“

Fyrirkomulagið í framhaldsskólamálum á Snæfellsnesi, þar sem skólann vantaði, kom einmitt í veg fyrir að það væru til unglingalið í körfuboltaíþróttinni. „Það hafði aldrei verið slíkt lið í Hólminum vegna þess að unga fólkið flutti alltaf burt úr bænum til að fara í framhaldsnám eftir grunnskólann. Þarna var ég tvö ár í unglingaflokki en tók svo eitt ár í meistarflokki.“

 

Rætt er nánar við Arnþór í Skessuhorni vikunnar þar sem hann ræðir meðal annars um körfuboltann, ferðaþjónustuna og lífið í Stykkishólmi.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is