Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
27. nóvember. 2014 08:01

Fjölmargt framundan í Borgarbyggð

Margt verður að gerast í Borgarbyggð á aðventunni og sérstaklega á fyrstu helgi hennar, það er um næstu helgi. Tónleikar eru áberandi í dagskránni og ýmsir fleiri menningarviðburðir. Nemendur MB munu ríða á vaðið og frumsýna Rocky Horror show föstudagskvöldið 28. nóvember en nú þegar er uppselt á frumsýninguna eins og fram kemur í annarri frétt hér í blaðinu. Á föstudagskvöld er einnig jólabingó Kvenfélagsins 19. júní í matsal Landbúnaðarháskóla Íslands á Hvanneyri. Á laugardag verða tónleikar Freyjukórsins og Gissurar Páls Gissurarsonar bæði í Borgarneskirkja og Reykholtskirkju.

Á sunnudag verða tónleikar í Landnámssetrinu þar sem systurnar frá Einarsnesi, Soffía Björg og Kristín Birna Óðinsdætur syngja og Helgi Már Hannesson leikur á hljómborð. Þann sama dag syngur Samkór Mýramanna í Ljómalind og ljós jólatrés Borgarbyggðar verða tendruð á Kveldúlfsvelli. Áætlað er að jólasveinar kíki í heimsókn og boðið verður upp á kakó, ávörp flutt og ýmis skemmtilegheit viðhöfð. Að morgni mánudagsins 1. desember verður mynduð vinakeðja í Varmalandsdeild Grunnskóla Borgarfjarðar. Tendrað verður á kyndlum og kveikt á jólastjörnunni sem staðsett er á klettinum. Í hádeginu verður kaffihús í Hvanneyrardeild Grunnskóla Borgarfjarðar. Um kvöldið verður í Edduveröld „Lesið í skýin“ þar sem Trausti Jónsson veðurfræðingur mun kenna fólki að gá til veðurs með því að skoða skýjafar.

Þriðjudaginn 2. desember verður fyrirlestur í Snorrastofu um lausafjáreign bænda og búaliðs í Borgarfirði á 19. öld. Már Jónsson sagnfræðingur er fyrirlesari. Miðvikudaginn 3. desember verður Opið hús í Fjöliðjunni í Borgarnesi í tilefni af alþjóðadegi fatlaðs fólks. Fimmtudagskvöldið 4. desember verða aðventutónleikar Tónlistarfélags Borgarfjarðar í Reykholtskirkju. Elsa Waage hörpuleikari, Björg Þórhallsdóttir sópransöngkona og Hilmar Örn Agnarsson orgelleikari. Jólaútvarp félagsmiðstöðvarinnar Óðals byrjar mánudaginn 8. desember og næstu dagana verða viðburðir í Landnámssetri, Snorrastofu og Ljómalind. Málverkasýning Birnu Þorsteinsdóttur er opin í í Safnahúsi Borgarfjarðar til 19. desember.

 

Loks má geta viðburða í kirkjum í sveitarfélaginu eins og lesa má um í Skessuhorni vikunnar. Það skal tekið fram að hér er ekki um tæmandi skrá að ræða en ljóst að úr miklu er að moða í menningar- og listalífi í héraðinu.

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is