Forsíða
Auglýsing
Rss straumur af fréttum frá Skessuhorni
Náttmál. Fjórði Sunnudagur í Haustmánuði
Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
07. janúar. 2015 08:01

Snjótittlingar yfirgnæfandi í fuglatalningu

Skömmu fyrir nýárið var hin árlega vetrarfuglatalning Náttúrufræðistofnunar Íslands gerð um allt land. Þessar talningar hafa verið gerðar af sjálfboðaliðum frá 1952 og talið er á 342 svæðum á landinu. Talningarmenn eru á annað hundrað og hafa nokkrir þeirra talið fugla í meira en hálfa öld. Markmið vetrarfuglatalninga er að kanna hvaða fuglategundir dvelja hér að vetrarlagi, meta hversu algengir fuglarnir eru og í hvaða landshlutum þeir halda sig. Upplýsingar sem fást úr talningunum nýtast einnig til að fylgjast með langtímabreytingum á stofnum margra tegunda.

Ragnar Frank Kristjánsson hefur séð um að telja fugla á Hvanneyri undanfarin sjö ár. Talningarsvæðið er Arnarflöt, skjólbeltin, vegarslóðinn að Andakílsá, Stekkjarholt, Tungutúnsborg, engjarnar, Gamli staður, umhverfi Þórulágar, Ásvegurinn og Túngatan. Ragnar Frank segir að ágætis veður hafi verið um helgina á milli stórhátíða og talningin því gengið vel. Ís var á Hvítá og Andakílsá enda búið að vera kalt í veðri allan desember. „Þegar snjór liggur yfir þá eru smáfuglar að mörgu leyti háðir því að þeim sé gefið í húsagörðum, enda sáust nánast allir fuglarnir í húsgörðum. Um 250 snjótittlingar sáust í einum garði, en alls sáust fimm tegundir og 317 fuglar. Stokkendurnar voru 16, tvær rjúpur, þrír hrafnar, 45 starrar og 251 snjótittlingur.“ Ragnar segir að á Hvanneyri megi oft sjá Branduglu og Svartþresti, en þau voru ekki sýnileg á talningadeginum. Þeir sem gefa smáfuglunum yfir veturinn fá ríkulega launað með vængjuðum gleðigjöfum, segir Ragnar Frank en hægt er að að sjá niðurstöður talninga frá 2002-2013 af öllum svæðunum á vef Náttúrufræðistofnunar Íslands, www.ni.is/vetrarfugl .

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is