Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
09. janúar. 2015 02:14

Taðreykt langreyðaeistu krydda nýjasta þorrabjór Steðja

Brugghús Steðja í Borgarfirði er nú að kynna nýjan þorrabjór, Hval 2. Verður hann arftaki Hvals þorrabjórs Steðja sem svo eftirminnilega sló í gegn á þorranum fyrir ári. Vegna mikilla vinsælda í fyrra ákváðu bruggmeistaranir í Steðja að koma með nýjan Hvalabjór og hika ekki við að feta ótroðnar slóðir. „Mikill undirbúningur var við framleiðsluna á Hvali 2 og skilar það sér í gæðum,“ segir Dagbjartur Ingvar Arilíusson eigandi Steðja. Nýnæmið við Hval 2 er þó engu minna en í fyrra. „Hvalur 2 hefur mikla sérstöðu á bjórmarkaðinum. Hann er gerður eftir nýrri uppskrift og er yfirgerjaður bjór og því í rauninni öl. Til að laða fram sanna þorrastemningu eru eistu úr langreyði notuð til að bragðbæta bjórinn. Eistun eru verkuð eftir gamalli íslenskri hefð, léttsöltuð og síðan taðreykt. Mikið er lagt í þennan bjór, vinnsluferillinn langur og farið vel yfir hvert handtak svo tryggt sé að bjórinn verði sem vandaðastur,“ segir Dagbjartur. Þannig má segja að hugtakið Beint frá býli eigi vel við, því hráefnið er hið lindartæra borgfirska blávatn, kryddið úr Hvalstöðinni auk annars bjórgerðarefnis.

Hvalur 2 er 5,1% í alc. og er með rammíslenskt taðreykingarbragð. „Heilt eista er notuð við hverja bruggun og er bjórinn svo síaður og gerilsneyddur. Það verður enginn svikinn af gæðunum og þorrastemningunni sem hér er á ferð,“ segir bruggmeistarinn. Dagbjartur segir að takmarkað magn sé á ferðinni þar sem ekki er til nóg til af hráefninu. Segir það hann gera þennan bjór einstakan á heimsvísu. Aðspurður segir Dagbjartur að öll tilskilin leyfi hafi verið fengin varðandi framleiðslu og sölu þessa bjórs.

 

Sala á Hval 2 hefst í Vínbúðunum frá og með bóndadeginum 23. janúar næstkomandi.

 

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is