Senda Skessuhorni fréttaskot
Spurning vikunnar
Hver er þinn uppáhalds mánuður
Áskrift að Skessuhorni
Færð á vegum
Vestfirðir Suð-Austurland Vesturland Austurland Norðurland Suð-Vesturland Landið allt Suðurland
16. janúar. 2015 02:01

Viðburðaríkt upphaf ársins í Snorrastofu

Fyrstu viðburðir á nýju ári hafa þegar litið dagsins ljós í Snorrastofu í Reykholti. Áður en janúar er allur munu fleiri skreyta dagskrána. Nú þegar hefur fyrsta Prjón-bóka-kaffi  ársins og annað námskeiðskvöld um ris og hnig í hamingju Snorra Sturlusonar farið fram og nú stendur yfir í bókhlöðunni farandsýning Kvenréttindafélags Íslands, Á leið um landið. Sýningin er gerð í tilefni þess að í ár eru 100 ár liðin frá því að íslenskar konur fengu kosningarétt. Það eru Borgarbyggð og Snorrastofa sem veita henni viðtöku fyrst áningarstaða í landsreisunni.  Hún mun síðar eiga viðkomu í ellefu öðrum sveitarfélögum og ljúka ferðinni í Reykjavík í desember.

Á leið um landið dvelur mánuð á hverjum viðkomustað og janúar er mánuður Snorrastofu. Af því tilefni stendur stofnunin fyrir kvölddagskrá í bókhlöðunni undir merkjum Fyrirlestra í héraði, þriðjudaginn 20. janúar kl. 20:30. Þar verður fjallað um konur í þeim menningarheimi sem stofnunin rækir sérstaklega, bókmenntum til forna og sögu Borgarfjarðar. Flutt verða tvö erindi, Aðalheiður Guðmundsdóttir nefnir sitt erindi Skjaldmeyjar og sköss, um konur í karlaveldi fornaldarsagna Norðurlanda og Helga Kress flytur erindið „...og var hinn mesti kvenskörungur“ um borgfirskar konur í íslenskri sagnahefð. Steinunn Stefánsdóttir formaður Kvenréttindafélags Íslands og Kolfinna Jóhannesdóttir sveitarstjóri Borgarbyggðar ávarpa samkomuna. Boðið verður til kaffiveitinga og umræðna og aðgangur er kr. 500.

 

Þá er einnig ánægjulegt að geta næsta fyrirlestrar, sem veður viku síðar, þriðjudaginn 27. janúar kl. 20:30, en þar mun Bjarni Guðráðsson í Nesi rekja sögu tónlistar og hljóðfæra í Reykholtskirkju. Bjarni starfaði lengi við orgelleik og söngstjórn hér í héraði og fyrirlestur hans er einkar vel við hæfi þar sem hann fagnar áttræðisafmæli sínu um þessar mundir.

 

-fréttatilkynning

Sjónvarp Skessuhorns
Leit á vefnum
Fréttasafn
Mest lesið í vikunni
Aðsendar greinar
Hulda Hrönn Sigurðardóttir

Þjónusta við einstaklinga með ...

Ásmundur Einar Daðason

Ljósleiðari á hvert heimili

Bjarni Jónsson

Landsnet verði í samfélagseigu

Ólafur Óskarsson

Betri byggð, öruggari umferð

Lilja Rafney Magnúsdóttir

Spilavíti eru „Víti til varnað...

Frá mbl.is

Ekki tókst að sækja efni

Frá visir.is

Ekki tókst að sækja efni

Héðan og þaðan
Skessuhorn á Facebook Skessuhorn á LinkedIn Skessuhorn á Twitter Skessuhorn á Instagram Skessuhorn ehf. kt. 560103-3870 - Kirkjubraut 56, 300 Akranes - Sími 433 5500 - Ritstjórn skessuhorn@skessuhorn.is